Sankrathi Festival: ఈ సంక్రాంతికి ట్రెడిషనల్ లుక్‌లో మెరిసిపోవాలంటే ఈ రంగు చీరలను ఎంచుకోండి!

పండుగ ఏదైనా సరే పచ్చ రంగులేనిదే సంపూర్ణంగా అనిపించదు. ఈ సంక్రాంతి పండుగను మీరు పల్లెటూర్లో చేసుకుంటున్నట్లయితే ఇలా ముదురు ఆకుపచ్చ రంగు చీర, మెరూన్ రంగు జాకెట్ వేసుకొండి. చూసిన వాళ్లంతా కుళ్లుకోవాల్సిందే.

పసుపు లేకుండా ఏ సంప్రదాయం పూర్తి కాదు. ఈ సంక్రాంతికి మీరు ట్రెడిషనల్ లుక్‌లో కనిపించాలంటే పసుపు రంగు చీరను ధరించండి.  దీనికి తగిన జాకెట్ వేసుకున్నారంటే కుందనపు బొమ్మలా కనిపిస్తారు.

ట్రెడిషనల్‌గా కనిపించాలి, అలాగే సింపుల్‌గా అనిపించాలి అంటే మీరు క్రీమ్ అండ్ మెరూన్ కలర్ కాంబినేషన్ చీరను ఎంచుకోవచ్చు. ఇది మీకు పర్ఫెక్ట్ ట్రెడిషనల్ లుక్‌ని ఇస్తుంది.  

ఎరుపు రంగు అంటే శుభానికి, ధైర్యానికి ప్రతీక. సంక్రాంతి పండుగ రోజున ఎరుపు రంగు చీరను ధరించారంటే తెలుగుదనం, పండుగ వాతావరణం అన్నీ మీలోనే ఉట్టిపడతాయి. మంచి ట్రెడిషనల్ లుక్‌కి ఎరుపు రంగు కేరాఫ్ అడ్రస్. 

పండుగలు, ప్రత్యేక రోజుల్లో సంప్రదాయబద్దంగా కనిపించాలంటే గంధం రంగు, గోధుమ రంగు, బ్రౌన్ రంగులు మంచి ఎంపిక. ఇవి చాలా ప్రత్యేకంగా, హుందాగా కనిపించేలా చేస్తాయి.  

పండుగ రోజున ఎవరైనా నిండుగా కనిపించాలని కోరుకుంటారు. మీరు అలాగే ఉండాలనుకుంటే మీకు వంకాయ రంగు, గులాబీ రంగు, పచ్చ రంగులు మంచి ఛాయిస్ ఇవి చాలా నిండుగా, సంప్రదాయం ఉట్టిపడేలా కనిపిస్తాయి.

పెద్ద హడావిడి లేకుండా సింపుల్‌గా ట్రెడిషనల్‌గా కనిపించాలనుకునే వారు పర్పిల్, లేత ఆకుపచ్చ, క్రీమ్ వంటి లైట్ రంగులను ఎంచుకోవచ్చు. ఇవి సింపుల్ గా కనిపించినా సంప్రదాయాన్ని కచ్చితంగా కాపాడతాయి.