Chiranjeevi met Revanth Reddy: సీఎం రేవంత్ రెడ్డిని కలిసిన చిరంజీవి

తెలంగాణ నూతన ముఖ్యమంత్రి రేవంత్ రెడ్డిని మెగాస్టార్, ప్రముఖ హీరో చిరంజీవి కలిశారు. ఇటీవలే సీఎం పదవిని చేపట్టిన రేవంత్‍‍కు శుభాకాంక్షలు తెలిపారు. 

హైదరాబాద్‍లోని రేవంత్ రెడ్డి నివాసానికి వెళ్లి నేడు ఆయనను కలిశారు చిరంజీవి. రేవంత్‍కు పుష్పగుచ్చం అందించి, శాలువా వేసి అభినందించారు. ఇద్దరూ నవ్వుతూ ముచ్చటించుకున్నారు.

సీఎం రేవంత్ రెడ్డి, చిరంజీవి కాసేపు భేటీ అయ్యారు. సినిమాలు, రాజకీయాలు సహా మరిన్ని విషయాలు చర్చకు వచ్చినట్టు తెలుస్తోంది. 

నవంబర్‌లో జరిగిన తెలంగాణ అసెంబ్లీ ఎన్నికల్లో కాంగ్రెస్ పార్టీ విజయం సాధించగా.. రేవంత్ రెడ్డి సీఎం అయ్యారు. చిరంజీవి కూడా కాంగ్రెస్ పార్టీలోనే ఉండగా.. ప్రస్తుతం రాజకీయాల్లో ఆయన క్రియాశీలకంగా లేరు. సినిమాలపైనే పూర్తి దృష్టి సారించారు.

సినిమాల విషయానికి వస్తే.. చిరంజీవి తదుపరి ఓ సోషియో ఫ్యాంటసీ మూవీ చేస్తున్నారు. ఈ మూవీకి విశ్వంభర అనే టైటిల్ ఖరారైనట్టు తెలుస్తోంది. ఇది చిరంజీవికి 156వ చిత్రంగా ఉంది. త్వరలోనే ఈ మూవీ షూటింగ్‍లో చిరూ పాల్గొననున్నారు.