Lok Sabha Election 2024: ఓటేసిన టాలీవుడ్ స్టార్స్ - ఓటు హ‌క్కు వినియోగం కోస‌మే దుబాయ్ నుంచి వ‌చ్చిన రాజ‌మౌళి

టాలీవుడ్ సీనియ‌ర్ హీరో చిరంజీవి...భార్య సురేఖ‌, కూతురు సుస్మిత‌తో క‌లిసి జూబ్లీహిల్స్ క్ల‌బ్‌లో ఓటు హ‌క్కును వినియోగించుకున్నారు.

మంగళగిరి లక్ష్మీనరసింహ స్వామి కాలనీలోని పోలింగ్ కేంద్రంలో ఓటు హక్కును వినియోగించుకున్నాడు జ‌న‌సేన అధినేత‌, సినీ న‌టుడు ప‌వ‌న్ క‌ళ్యాణ్. 

టాలీవుడ్ స్టార్ హీరో అల్లు అర్జున్ హైద‌రాబాద్‌లోని జూబ్లీ హిల్స్‌లో ఓటేశాడు. త‌న‌కు ఏ పార్టీతో సంబంధం లేద‌ని, మావ‌య్య ప‌వ‌న్ క‌ళ్యాణ్ మ‌ద్ధుతు ఉంటుంద‌ని ఓటుహ‌క్కును వినియోగించుకున్న అనంత‌రం అల్లు అర్జున్ చేసిన కామెంట్స్ హాట్ టాపిక్‌గా మారాయి.  

అగ్ర ద‌ర్శ‌కుడు రాజ‌మౌళి  లోక్‌స‌భ ఎన్నిక‌ల్లో ఓటువేశారు. ఓటు హ‌క్కును వినియోగించుకోవ‌డం కోస‌మే దుబాయ్ నుంచి వ‌చ్చిన‌ట్లు రాజ‌మౌళి పేర్కొన్నాడు. ఎయిర్‌పోర్ట్ నుంచి డైరెక్ట్‌గా పోలింగ్ బూత్‌కు వ‌చ్చిన‌ట్లు చెప్పాడు. 

టాలీవుడ్ అగ్ర హీరో ఎన్టీఆర్ భార్య ల‌క్ష్మిప్ర‌ణ‌తి, త‌ల్లి షాలినితో క‌లిసి జూబ్లీహిల్స్‌లోని ఓబుల్‌రెడ్డి స్కూల్‌లో త‌న ఓటు హ‌క్కును వినియోగించుకున్నారు. ఈ ఫొటోలు సోష‌ల్ మీడియాలో వైర‌ల్ అవుతోన్నాయి.