బిగ్ బాస్ 9 తెలుగులోకి చిన్ని సీరియల్ హీరోయిన్- వైల్డ్‌గా కాదు రాయల్‌గా ఎంట్రీ- సుధీర్‌తో డ్యాన్స్- కావ్యశ్రీ బయోగ్రఫీ!

తెలుగు బుల్లితెర సీరియల్స్‌లో హీరోయిన్‌గా మంచి గుర్తింపు పొందిన ముద్దుగుమ్మల్లో కావ్యశ్రీ ఒకరు. 2025లో ప్రసారం అవుతోన్న చిన్ని సీరియల్‌లో హీరోయిన్‌గా నటించి అందరి మెప్పు పొందింది కావ్య.

2019లో తెలుగు బుల్లితెరపైకి గోరింటాకు సీరియల్‌తో అడుగుపెట్టింది కావ్యశ్రీ. ఆ తర్వాత అమ్మకు తెలియని కోయిలమ్మా, గువ్వ గోరింక, చిన్ని వంటి సీరియల్స్‌తో మంచి ఫ్యాన్ ఫాలోయింగ్ పెంచుకుంది.

గోరింటాకు సీరియల్‌లో కో స్టార్, బిగ్ బాస్ తెలుగు 8 సీజన్ విన్నర్ అయిన నిఖిల్ మాలియక్కల్‌తో కావ్యశ్రీ కొంతకాలం ప్రేమాయణం సాగించినట్లు వార్తలు వచ్చాయి. నిఖిల్ బిగ్ బాస్ ఎంట్రీకి ముందు కావ్యతో బ్రేకప్ అయినట్లు హౌజ్‌లో పలు సందర్భాల్లో చెప్పాడు మాలియక్కల్.

ఇటీవల టీవీ షో సర్కార్‌లో హోస్ట్ సుడిగాలి సుధీర్‌తో కలిసి కావ్య శ్రీ డ్యాన్స్ చేసింది. సుధీర్, కావ్య శ్రీ డ్యాన్స్ వీడియో సోషల్ మీడియాలో తెగ వైరల్ అయింది. దాంతో మరింత క్రేజ్ సంపాదించుకుంది కావ్యశ్రీ.

ఇప్పుడు బిగ్ బాస్ తెలుగు 9 సీజన్‌లోకి అడుగుపెట్టనుంది కావ్య శ్రీ. బిగ్ బాస్ 9 తెలుగులో కంటెస్టెంట్‌గా ఈ సీరియల్ ముద్దుగుమ్మ కావ్య శ్రీ 99 శాతం కన్ఫర్మ్ అయిందని జోరుగా వార్తలు వస్తున్నాయి.

అయితే, ప్రతి బిగ్ బాస్ సీజన్‌లో వైల్డ్ కార్డ్స్ ఎంట్రీలు ఉంటాయన్న విషయం తెలిసిందే. అదే తరహాలో పలువురితోపాటు కావ్య శ్రీ కూడా బిగ్ బాస్ తెలుగు 9 సీజన్‌లోకి అడుగుపెట్టనుంది.

అయితే, ఈ సారి వైల్డ్‌గా కాకుండా రాయల్ కార్డ్స్‌గా కంటెస్టెంట్స్‌ను ప్రవేశపెట్టనున్నారు బిగ్ బాస్ టీమ్. ఇందులో భాగంగానే కావ్య శ్రీ రాయల్ కార్డ్ కంటెస్టెంట్‌గా బిగ్ బాస్ 9 తెలుగులోకి ఎంట్రీ ఇవ్వనుంది.