TG Chiken Prices : దసరా వేళ చికెన్ ప్రియులకు షాక్..! పెరుగుతున్న ధరలు

తెలుగు రాష్ట్రాల్లో చికెన్ ధరలు క్రమంగా పెరిగిపోతున్నాయి. దసరా పండగ సమీపిస్తున్న వేళ రేట్లు పైకి ఎగబాకుతున్న పరిస్థితులు కనిపిస్తున్నాయి. దీంతో చికెన్ ప్రియులకు షాక్ తప్పేలా లేదు.

గడిచిన 15 రోజుల క్రితం కేజీ చికెన్ ధర రూ. 230లోపు ఉండగా… తాజాగా రేట్లు మారిపోయాయి. ఇవాళ(సెప్టెంబర్ 29) ధరలు చూస్తే కేజీ చికెన్(స్కిన్ లెస్) ధర రూ. . రూ.240 పైనే ఉంది..

మరికొన్ని ప్రాంతాల్లో కేజీ చికెన్ (స్కిన్ లెస్) ధర రూ. 250లోపు కూడా విక్రయిస్తున్నారు. దసరా పండగ సమీపించే కొద్ది… ధరలు మరింత పెరిగే అవకాశం ఉందని చికెన్ సెంటర్ యాజమానులు చెబుతున్నారు.

రాబోయే రోజుల్లో చికెన్ ధరలు కాస్త  పెరిగే అవకాశం ఉందని హయత్ నగర్ లో చికెన్ వ్యాపారం చేసే శ్రీనివాస్ రెడ్డి అభిప్రాయపడ్డారు. దసరా పండగ వేళ ధరలు ఎక్కువగానే ఉండొచ్చని చెప్పుకొచ్చారు.

ఇటీవల భారీ వర్షాల కురవటంతో కోళ్ల ఉత్పత్తి భారీగా తగ్గిపోయింది. సరఫరా తగ్గిపోవడంతో పాటు చికెన్ తినేవారి సంఖ్య పెరగడంతో మార్కెట్‌లో ఒక్కసారిగా డిమాండ్ పెరిగింది. దసరా వేళ ధరలు ఎక్కువగానే ఉండే అవకాశం స్పష్టంగా కనిపిస్తోంది.