వేములవాడ రాజన్న భక్తులకు అలర్ట్ - దర్శనాల్లో కీలక మార్పులు, ఈ విషయం తప్పక తెలుసుకోండి
వేములవాడ రాజన్న భక్తులకు అధికారులు కీలక అలర్ట్ ఇచ్చారు. ఇవాళ్టి(అక్టోబర్ 12) నుంచి స్వామివారి దర్శనాలు నిలిపివేయబడనున్నాయి. ఇందుకు బదులుగా భీమేశ్వరస్వామి వారి ఆలయంలో దర్శనం కోసం ప్రత్యేక ఏర్పాట్లు చేశారు. రాజన్న ఆలయంలో కేవలం స్వామివారికి నిత్య కైంకర్యాలు(ఏకాంత సేవలు) నిర్వహించనున్నారు.
(1 / 6)
వేములవాడ రాజన్న భక్తులకు అధికారులు కీలక అలర్ట్ ఇచ్చారు. ఇవాళ్టి(అక్టోబర్ 12) నుంచి స్వామివారి దర్శనాలు నిలిపివేయబడనున్నాయి. ఇందుకు బదులుగా భీమేశ్వరస్వామి వారి ఆలయంలో దర్శనం కోసం ప్రత్యేక ఏర్పాట్లు చేశారు.
(2 / 6)
వేములవాడలోని శ్రీరాజరాజేశ్వర స్వామివారి ఆలయ విస్తరణ, అభివృద్ధి పనులకు ప్రభుత్వం శ్రీకారం చుట్టిన సంగతి తెలిసిందే. ఈ నేపథ్యంలోనే ఆదివారం(అక్టోబర్ 12) నుంచి భక్తుల దర్శనాలకు భీమేశ్వరాలయంలో ఏర్పాట్లు చేశారు.
(@spsircilla)
(3 / 6)
మార్పులకు సంబంధించి ఆలయ కార్యనిర్వాహణాధికారి ఎల్.రమాదేవి శనివారం ఓ ప్రకటన విడుదల చేశారు. ఈ మార్పును గమనించి భక్తులంతా భీమేశ్వరం ఆలయంలో దర్శనాలు చేసుకోవాలని సూచించారు.
(4 / 6)
ముఖ్యంగా కోడెమొక్కులు, అభిషేకాలు, అన్నపూజ, ఇతర పూజలన్నీ భీమేశ్వరస్వామి వారి ఆలయంలోనే చేసుకోవాలని అధికారులు స్పష్టం చేశారు.
(5 / 6)
ప్రధాన ఆలయం విస్తరణలో భాగంగా కొన్ని నెలల పాటు దర్శనాల నిలిపివేయనున్నారు. అయితే ప్రధాన ఆలయంలోని రాజన్న ఆలయంలోని స్వామివారికి అభిషేకాలు, పూజలు,నైవేద్యాలు, ఇతర అన్నిరకాల కైంకర్యాలు యథావిధిగా జరుగుతాయి.
(6 / 6)
నవరాత్రి ఉత్సవాలను పురస్కరించుకుని దేవాలయానికి ఏర్పాటు చేసిన విద్యుత్ దీపాలతో ఆలయం శోభాయమానంగా మారింది.
ఇతర గ్యాలరీలు