Champions Trophy: ఛాంపియన్స్ ట్రోఫీ విన్నింగ్ కెప్టెన్లు.. గంగూలీ, ధోని.. ఇంకా లిస్ట్ లో ఎవరున్నారో ఓ లుక్కేయండి!

1998 లో మొట్టమొదటిగా జరిగిన ఛాంపియన్స్ ట్రోఫీ (అప్పుడు ఇంటర్నేషనల్ కప్)ని దక్షిణాఫ్రికా విజేతగా నిలిచింది. కెప్టెన్ హాన్సీ క్రోంజే సఫారీ జట్టును టైటిల్ దిశగా నడిపించాడు. ఫైనల్లో ఆ జట్టు 4 వికెట్ల తేడాతో వెస్టిండీస్ ను ఓడించింది. 

స్టీఫెన్ ఫ్లెమింగ్ కెప్టెన్సీ లోని న్యూజిలాండ్ జట్టు 2000 ఛాంపియన్స్ ట్రోఫీ ని ఖాతాలో వేసుకుంది. భారత్ పై గెలిచే కివీస్ ఛాంపియన్ గా నిలిచింది. ఫైనల్లో టీమ్ఇండియా 4 వికెట్ల తేడాతో ఓడింది. 

2002 లో ఇద్దరు కెప్టెన్లు కలిసి ఉమ్మడిగా ట్రోఫీని కైవసం చేసుకున్నారు. భారత్, శ్రీలంక తలపడ్డ ఆ ఛాంపియన్స్ ట్రోఫీ ఫైనల్ వర్షం కారణంగా రద్దయింది. దీంతో భారత కెప్టెన్ గంగూలీ, శ్రీలంక సారథి జయసూర్య కలిసి ట్రోఫీ అందుకున్నారు. భారత్ గెలిచిన తొలి ఛాంపియన్స్ ట్రోఫీ ఇదే. 

2004 లో కెప్టెన్ గా బ్రయాన్ లారా వెస్టిండీస్ ను ఛాంపియన్ గా నిలిపాడు. ఆ ఫైనల్లో కరీబియన్ జట్టు 2 వికెట్ల తేడాతో గెలిచింది.  ఆ విజయంతో విండీస్ సంబరాల్లో మునిగిపోయింది. 

ఛాంపియన్స్ ట్రోఫీని రెండు సార్లు జట్టుకు అందించిన ఏకైక కెప్టెన్ గా రికీ పాంటింగ్ చరిత్ర నమోదు చేశాడు. అతని కెప్టెన్సీలోని ఆస్ట్రేలియా 2006, 2009 లో ఛాంపియన్ గా నిలిచింది. 2006 ఫైనల్లో 8 వికెట్ల తేడాతో వెస్టిండీస్ పై గెలిచిన ఆసీస్.. 2009 తుదిపోరులో 6 వికెట్ల తేడాతో న్యూజిలాండ్ ను ఓడించింది. 

మహేంద్ర సింగ్ ధోని భారత్ కు రెండో ఛాంపియన్స్ ట్రోఫీ అందించాడు. 2013 ఛాంపియన్స్ ట్రోఫీలో అతని సారథ్యంలో జట్టు ఛాంపియన్ గా నిలిచింది. ఫైనల్లో ఇంగ్లండ్ ను 5 పరుగుల తేడాతో భారత్ ఓడించింది. 

చివరగా 2017లో జరిగిన ఛాంపియన్స్ ట్రోఫీలో కెప్టెన్ గా సర్ఫరాజ్ అహ్మద్ పాకిస్థాన్ కు టైటిల్ అందించాడు. ప్రపంచ క్రికెట్లో ఉత్కంఠ రేపిన ఆ టోర్నీ ఫైనల్లో 180 పరుగుల తేడాతో భారత్ ను పాక్ ఓడించింది. ఐసీసీ టోర్నీల్లో భారత్ పై పాక్ కు అదే తొలి విజయం.