Champions Trophy India Schedule: ఛాంపియన్స్ ట్రోఫీలో భారత్ మ్యాచ్‍ల షెడ్యూల్ ఇదే.. పాక్‍తో పోరు ఎప్పడంటే.. లైవ్ ఎక్కడ?

ఐసీసీ ఛాంపియన్స్ ట్రోఫీ 2025 టోర్నీ వచ్చే ఏడాది ఫిబ్రవరి 19 నుంచి మార్చి 9వ తేదీ వరకు జరగనుంది. పూర్తి షెడ్యూల్‍ను ఐసీసీ నేడు వెల్లడించింది. గ్రూప్-ఏలో ఉన్న టీమిండియా మ్యాచ్‍ల షెడ్యూల్‍ను ఇక్కడ తెలుసుకోండి. 

పాకిస్థాన్, యూఏఈ వేదికగా ఛాంపియన్స్ ట్రోఫీ జరగనుంది. టీమిండియా తన మ్యాచ్‍లన్నీ దుబాయ్ వేదికగా ఆడుతుంది. ఇండియా లేని మ్యాచ్‍లు పాక్‍లోనే జరుగుతాయి. 

ఛాంపియన్స్ ట్రోఫీ 2025లో తన తొలి మ్యాచ్‍ను ఫిబ్రవరి 20న బంగ్లాదేశ్‍తో భారత్ ఆడనుంది. 

ఈ టోర్నీలో టీమిండియా, పాకిస్థాన్ మధ్య మ్యాచ్ ఫిబ్రవరి 23వ తేదీన జరగనుంది. దుబాయి స్టేడియం వేదికగా ఈ హైవోల్టేజ్ పోరు సాగనుంది. 

న్యూజిలాండ్‍తో మార్చి 2న భారత్ తలపడనుంది. ఇండియా ఆడే అన్ని మ్యాచ్‍లు మధ్యాహ్నం 2.30 గంటల నుంచి ప్రసారం అవుతాయి. చాంపియన్ ట్రోఫీ 2025 మ్యాచ్‍లు స్టార్ స్పోర్ట్స్ టీవీ ఛానెళ్లలో టెలికాస్ట్ అవుతుంది. డిస్నీ+ హాట్‍స్టార్ ఓటీటీలో మ్యాచ్‍ల లైవ్ స్ట్రీమింగ్ చూడొచ్చు.

ఛాంపియన్స్ ట్రోఫీ 2025 గ్రూప్-ఏలో భారత్, బంగ్లాదేశ్, పాకిస్థాన్, న్యూజిలాండ్ ఉన్నాయి. గ్రూప్-బీలో ఆస్ట్రేలియా, ఇంగ్లండ్, అఫ్గానిస్థాన్, దక్షిణాఫ్రికా ఉన్నాయి. గ్రూప్ దశలో టాప్-2లో నిలిచిన జట్లు సెమీస్ చేరతాయి. మార్చి 4,5 తేదీల్లో సెమీఫైనల్స్, మార్చి 9న ఫైనల్ జరగనుంది.