Cancer Cause: సరైన నిద్ర లేకపోతే.. కేన్సర్ ముప్పు తప్పదు

బిజీ యుగంలో ప్రజల జీవన విధానం చాలా మారిపోయింది. ఉదయం లేచినప్పటి నుంచి రాత్రి నిద్రపోయే వరకు చాలా మంది ఉరుకుల, పరుగుల జీవితాన్ని గడుపుతుంటారు. ఆ క్రమంలో వారు ముందుగా త్యాగం చేసేది తమ నిద్రనే. పని కోసం నిద్ర సమయాన్ని మార్చుకునే వారు చాలా మంది ఉన్నారు.

నిద్ర షెడ్యూల్‌లలో మార్పులు క్యాన్సర్ ప్రమాదాన్ని పెంచవచ్చని సైంటిస్ట్ ల పరిశోధనల్లో తేలింది. రాత్రిపూట 6 గంటల కంటే తక్కువ నిద్రపోయేవారికి, పగటిపూట నిద్రకు దూరంగా ఉన్నవారికి క్యాన్సర్ వచ్చే ప్రమాదం ఎక్కువగా ఉంటుందని వారి అధ్యయనంలో తేలింది.

భారతదేశ జనాభాలో 59% మంది అర్ధరాత్రి దాటిన తర్వాత నిద్రపోతారని, ఇది వారి ఆరోగ్యంపై తీవ్ర ప్రభావం చూపుతుందని మరో అధ్యయనంలో తేలింది. కంప్యూటర్‌ లేదా స్మార్ట్ ఫోన్ పై ఎక్కువ సేపు గడపడం వల్ల శరీరంలో మెలటోనిన్ హార్మోన్ స్థాయిలు తగ్గుతాయి. ఈ హార్మోన్ నిద్రకు చాలా ముఖ్యమైనది. ఈ హార్మోన్ తగ్గడం వల్ల క్యాన్సర్ కణాలను ఉత్పత్తి చేసే ధోరణి పెరుగుతుంది.

మంచి నిద్ర కోసం కొన్ని సాధారణ చిట్కాలను తెలుసుకోండి. స్థిరమైన నిద్ర షెడ్యూల్ ను ఫాలో కండి. నిద్ర విషయంలో కచ్చితంగా వ్యవహరించండి. నిద్రను హరించే అలవాట్లకు దూరంగా ఉండండి. ప్రతిరోజూ ఒకే సమయానికి పడుకోండి.

పడుకునే ముందు, మీ చుట్టూ ఎలాంటి ఎలక్ట్రానిక్ గాడ్జెట్‌లు లేవని నిర్ధారించుకోండి. నిద్రవేళకు గంట ముందు నుంచి కంప్యూటర్ కు, టీవీకి, స్మార్ట్ ఫోన్ కు దూరంగా ఉండండి.

టీ, కాఫీలకు దూరంగా ఉండండి. ముఖ్యంగా, నిద్ర పోవడానికి మూడు గంటల  ముందు నుంచి టీ, కాఫీలను తీసుకోకండి. క్రమం తప్పకుండా శారీరక శ్రమ చేయండి.