Tripti Dimri: నేషనల్ క్రష్‌ అందాల ఆరబోత.. రొమాంటిక్ మూవీస్‌తో భారీగా పెరిగిన త్రిప్తి డిమ్రి క్రేజ్!

యానిమల్ సినిమాలో తన అందచందాలతో కుర్రాళ్లని కట్టిపడేసిన త్రిప్తి డిమ్రి.. ఇప్పుడు నేషనల్ క్రష్‌‌గా మారిపోయింది. బాలీవుడ్‌లో వరుస సినిమాలు చేస్తున్న ఈ ముద్దుగుమ్మ సౌత్‌లోనూ ఎంట్రీ ఇచ్చేందుకు సిద్ధమవుతోంది. 

ఇటీవల త్రిప్తి డిమ్రి నటించిన ‘బ్యాడ్ న్యూస్’ చిత్రం బాక్సాఫీస్ వద్ద మంచి వసూళ్లని రాబట్టింది. అలానే ఈ భామకి మంచి పేరు తీసుకొచ్చింది. ఆ మూవీలో గ్లామర్ డోస్‌ను త్రిప్తి డిమ్రి మరింతగా పెంచేసింది. 

అందాల ఆరబోతలో త్రిప్తి డిమ్రి ఏ హీరోయిన్‌కీ తగ్గడం లేదు. అలానే యాక్టింగ్‌లోనూ సున్నితమైన హావభావాలను కూ చక్కగా పలికించగలదు. దాంతో సౌత్ నుంచి ఈ అమ్మడికి ఆఫర్లు వచ్చినట్లు వార్తలు వస్తున్నాయి. 

యానిమల్‌, బ్యాడ్‌ న్యూస్‌ హిట్ కావడంతో లక్కీ గర్ల్‌‌గా మారిపోయిన త్రిప్తి డిమ్రితో పుష్ప-2లొ ఐటెం సాంగ్ చేయించేందుకు డైరెక్టర్ సుకుమార్ ప్రయత్నిస్తున్నట్లు పుకార్లు వచ్చాయి. అయితే.. ఆ విషయాన్ని పుష్ప టీమ్ గోప్యంగా ఉంచుతోంది. 

ఇండస్ట్రీకి వచ్చిన కొత్తలో చాలా ఇబ్బందుల్ని ఎదుర్కొన్నట్లు త్రిప్తి డిమ్రి ఇటీవల ఓ ఇంటర్వ్యూలో గుర్తు చేసుకుంది. తనకి పాయింట్‌ ఆఫ్‌ వ్యూ షాట్‌, ఫొటోగ్రఫీ డైరెక్టర్‌ అంటే కూడా సినిమాల్లోకి వచ్చిన కొత్తలో తెలియదని దాంతో సెట్స్‌లోనే అన్నీ నేర్చుకున్నట్లు చెప్పుకొచ్చింది.

2018లో వచ్చిన లైలా మజ్ను సినిమా సమయంలో భాష అర్థంకాక తాను సెట్స్‌లోనే ఏడ్చేసినట్లు త్రిప్తి డిమ్రి గుర్తు చేసుకుంది. రోజూ షూటింగ్ తర్వాత ఇంటికెళ్లి పట్టుదలతో భాషని నేర్చుకున్నట్లు తెలిపింది. 

నేషనల్ క్రష్‌‌గా ఉన్న త్రిప్తి డిమ్రి చేతిలో ఇప్పుడు రెండు సినిమాలు ఉన్నాయి. అనీస్‌ బజ్మీ దర్శకత్వంలో కార్తీక్‌ ఆర్యన్‌ హీరోగా చేస్తున్న ఒక సినిమాలో నటిస్తున్న  త్రిప్తి డిమ్రి.. జాన్వీ కపూర్ గతంలో నటించిన దఢక్ మూవీ సీక్వెల్ దఢక్ -2లోనూ నటిస్తోంది. 

జాన్వీ కపూర్ తరహాలో సౌత్‌లోకి ఎంట్రీ ఇవ్వాలని త్రిప్తి డిమ్రి ప్రయత్నిస్తోంది. అయితే.. క్రేజ్ దృష్ట్యా ఈ అమ్మడు భారీగా రెమ్యూనరేషన్ అడుగుతుండటంతో సౌత్ ప్రొడ్యూసర్లు వెనకడుగు వేస్తున్నట్లు తెలుస్తోంది.   

ఒకవైపు సినిమాలు చేస్తూనే.. మరోవైపు హాలిడే ట్రిప్‌కి తరచూ త్రిప్తి డిమ్రి వెళ్తుంటుంది. ప్లేస్‌తో పాటు వెకేషన్ ఫొటోల్ని అభిమానుల కోసం సోషల్ మీడియాలో ఈ భామ షేర్ చేస్తుంటుంది. 

సోషల్ మీడియాలో అభిమానుల అడిగే సరదా ప్రశ్నలకి కూడా త్రిప్తి డిమ్రి  సమాధానలు చెప్తుంటుంది. అలానే ఎవరైనా గీత దాటితే మాత్రం గట్టిగా చురకలు అంటించేస్తోంది. అలా త్రిప్తి డిమ్రి నుంచి చివాట్లు తిన్న నెటిజన్లు కూడా ఉన్నారు.