భీష్మాష్టమి పండుగ రాబోతోంది.. దీని విశిష్టత, పూజా విధానం తెలుసుకోండి

హిందూమతంలో భీష్మ అష్టమికి ప్రత్యేక ప్రాముఖ్యత ఉంది. హిందూ మతంలో ఈ రోజును పండుగగా జరుపుకుంటారు. మాఘ మాసంలోని మొదటి పక్షంలో ఎనిమిదవ రోజును భీష్మాష్టమి అంటారు.  (ఫోటో: ప్రతీకాత్మక చిత్రం)

మాఘ మాసంలో శుక్ల పక్షం అష్టమి తిథి నాడు భీష్ముడు తన శరీరాన్ని వదిలిపెట్టాడు. ఈ రోజునే భీష్మ పితామహుడు మోక్షం పొందారని వేదపండితులు చెబుతుంటారు. అందుకే ఈరోజున భీష్మ పితామహుడిని స్మరించుకుంటూ 'భీష్మాష్టమి' జరుపుకుంటారు.

 హిందూ క్యాలెండర్ ప్రకారం, భీష్మ అష్టమి పండుగను 2024, ఫిబ్రవరి 16వ తేదీ శుక్రవారం జరుపుకుంటారు . అష్టమి తిథి ఫిబ్రవరి 16 ఉదయం 08:54 గంటలకు ప్రారంభమై ఫిబ్రవరి 17 ఉదయం 08:15 గంటలకు ముగుస్తుంది. మత విశ్వాసాల ప్రకారం, ఈ తేదీని భీష్మ పితామహ తర్పణ దినం అని కూడా పిలుస్తారు.

భీష్మాష్టమి పండుగ ప్రాముఖ్యత: భీష్మ అష్టమి తిథి నాడు ఉపవాసం ఉండటం వల్ల సంతానం కలుగుతుందని ఒక పురాణ విశ్వాసం ఉంది. ఈ రోజున మహిళలు ఉపవాసం పాటిస్తారు. ఇలా చేస్తే సంతాన భాగ్యం లభిస్తుందని, అదే సమయంలో బిడ్డకు జీవితంలో ఆనందం లభిస్తుందని విశ్వాసం.