Bhagyashri Borse: టాలీవుడ్‌లో మ‌రో బంప‌రాఫ‌ర్ అందుకున్న భాగ్య‌శ్రీ బోర్సే - సూర్య‌తో రొమాన్స్‌

కోలీవుడ్ అగ్ర హీరో సూర్య  ఓ స్ట్రెయిట్ తెలుగు మూవీ చేయ‌బోతున్న‌ట్లు ప్ర‌చారం జ‌రుగుతోంది. ఈ సినిమాకు వెంకీ అట్లూరి ద‌ర్శ‌క‌త్వం వ‌హించ‌నున్న‌ట్లు స‌మాచారం. 

ఈ తెలుగు మూవీలో సూర్య‌కు జోడీగా హీరోయిన్‌గా న‌టించే ఛాన్స్ భాగ్య‌శ్రీ బోర్సే ద‌క్కించుకున్న‌ట్లు వార్త‌లు వినిపిస్తున్నాయి. 

సూర్య హీరోగా న‌టిస్తోన్న సెకండ్ స్ట్రెయిట్ తెలుగు మూవీ ఇది. గ‌తంలో రామ్‌గోపాల్ వ‌ర్మ ద‌ర్శ‌క‌త్వం వ‌హించిన ర‌క్త చ‌రిత్ర 2లో సూర్య హీరోగా న‌టించాడు. 

ర‌వితేజ మిస్ట‌ర్ బ‌చ్చ‌న్ మూవీతో హీరోయిన్‌గా టాలీవుడ్‌లోకి ఎంట్రీ ఇచ్చింది భాగ్య‌శ్రీ బోర్సే. ఈ సినిమా డిజాస్ట‌ర్‌గా నిలిచినా భాగ్య‌శ్రీకి మాత్రం ఆఫ‌ర్లు క్యూ క‌డుతోన్నాయి. 

ప్ర‌స్తుతం దుల్క‌ర్ స‌ల్మాన్ కాంత‌తో పాటు రామ్ హీరోగా న‌టిస్తోన్న 22వ సినిమాలో భాగ్య‌శ్రీ బోర్సే హీరోయిన్‌గా న‌టిస్తోంది.