Kousalya Supraja Rama: "కౌసల్యా సుప్రజా రామ పూర్వా సంధ్యా ప్రవర్తతే" శ్లోకం విని నిద్రలేస్తే కలిగే ప్రయోజనాలేంటో తెలుసా!

రామాయణంలోని బాలకాండలో పేర్కొన్న శ్లోకం "కౌసల్యా సుప్రజా రామ పూర్వా సంధ్యా ప్రవర్తతే ఉత్తిష్ఠ నరశార్దూలం కర్తవ్యం దైవ మాహ్నికమ్". నిద్రపోతున్న రామ లక్ష్మణులను మేల్కొలిపేందుకు గురువైన విశ్వామిత్రుడు పఠిస్తాడు. మరి, ఆ శ్లోకం విని మనం నిద్రలేవడం వల్ల కలిగే ఫలితాలేంటి? తెలుసుకోవాలనుందా!

ఆధ్యాత్మిక పురోగతి - ఈ శ్లోకం రాముడిని ప్రార్థించేదిగా ఉండి, నిత్యజీవితంలో ధర్మాన్ని పాటించే దిశగా మనల్ని ప్రేరేపిస్తుంది. రాముని స్మరించుకుంటూ లేవడం వలన నైతిక విలువలను పాటిస్తూ, అన్యాయాన్ని నివారించేలా వ్యవహరిస్తాం. 

శాంతియుత జీవితం - ఈ శ్లోకం పఠనము శాంతిని ప్రేరేపిస్తుంది. ఉదయం సమయములో ఈ శ్లోకం వింటూ మేల్కొనడం వల్ల మనస్సు శాంతియుతంగా ఉంటుంది. ఆందోళనల నుంచి మనసుకు   విముక్తి కలుగుతుంది. రోజును ఆత్మ విశ్వాసంతో ప్రారంభించవచ్చు.

 ధైర్యం, శక్తి - శ్లోకంలో "రామ" అని ఉండడం వలన, ఈ శ్లోకం వింటూ మేల్కోవడం మనలో ధైర్యం, ఉత్సాహం నింపుతుంది. 

మానసిక ఉల్లాసం -  ఉదయాన్నే ఈ శ్లోకం వింటూ మేల్కొనడం వలన మన శరీరం, మనస్సు ఆరోగ్యంగా, శక్తివంతంగా ఉంటాయి.

ఆరోగ్య ప్రయోజనాలు - ఈ శ్లోకం వింటూ మేల్కొనడం వల్ల రోజంతా పాజిటివ్ ఎనర్జీతో ఉంటారు. ఆత్మ విశ్వాసం, శాంతి కలిగి మానసికంగా మంచి ఆరోగ్యంగా ఉంటారు. 

సాధనాత్మక జ్ఞానం - ఉదయ సమయంలో శ్లోకాన్ని వింటూ ఉంటే మనస్సు హుషారుగా ఉంటుంది. ఇది మన జ్ఞానాన్ని పెంపొందించడానికి సహాయపడుతుంది.