Bedtime Habits: బరువు తగ్గాలకుంటున్నారా..? పడుకునే ముందు ఈ అలవాట్లు చేసుకోండి!

పడుకునే ముందు ఈ అలవాట్లను పాటిస్తే, నిద్రపోతున్న సమయంలోనూ మీ కేలరీలు ఖర్చు అయిపోతాయి. ఎక్సర్‌సైజ్ చేయడం చాలా మంచి విషయమే. కానీ, సాయంత్రం సమయంలో చేయడం గొప్ప విషయం. మిమ్మల్ని రిలాక్స్ చేయడంతో పాటు ప్రశాంతంగా నిద్రపోయేలా చేస్తుంది. 

రాత్రి సమయంలో అన్నం తిన్న తర్వాత కొద్ది దూరం నడవడం వల్ల అరుగుదల ప్రక్రియ వేగవంతమై పొట్ట ఉబ్బరం లేకుండా చేస్తుంది. అంతేకాకుండా శరీరంలో అదనపు కేలరీలు కూడా ఖర్చవుతాయి. 

బరువు తగ్గడంలో కంటి నిండా నిద్ర చాలా కీలకం. సరిపడ నిద్ర ఉంటేనే హార్మోన్లు బ్యాలెన్స్ గా ఉండి, అదనపు కొవ్వు చేరకుండా ఉంటుంది. 

పడుకోవడానికి కాసేపటి ముందే ఫోన్లు, కంప్యూటర్లు, టీవీ చూడటం ఆపేయండి. వీటి నుంచి వెలువడే బ్లూ లైట్ మీ నిద్రను డిస్టర్బ్ చేయవచ్చు. ఇది బరువు తగ్గే ప్రక్రియను మందగించేలా చేయవచ్చు. 

ధ్యానం చేయడం వల్ల ఆవేశపడి తినకుండా ఉంటారు. ఇది ప్రశాంతమైన నిద్ర కలుగజేయడమే కాకుండా, బరువు తగ్గేందుకు కూడా ఉపయోగపడుతుంది..

నిద్రపోవడానికి రెండు - మూడు గంటల ముందే డిన్నర్ తినేయండి. ఆలస్యంగా తినడం వల్ల మీ నిద్ర పాడవడంతో పాటు మీరు నిద్రపోతున్న సమయంలో కేలరీలు ఖర్చు కావడం కూడా ఇబ్బందికరంగా మారుతుంది.

రాత్రుళ్లు ఆలస్యంగా తినడం వల్ల బరువు పెరిగే ప్రమాదం ఎక్కువగా ఉంటుంది. డిన్నర్ తర్వాత స్నాక్స్ తినకపోవడమే మంచిది. మీకు ఇంకా ఆకలిగా అనిపిస్తే, తక్కువ మొత్తంలో తినడమే బెటర్. వీలైనంత వరకూ సాయంత్రం సమయంలోనే తినేయండి.