జూన్​ 9న.. ప్రధానమంత్రి నరేంద్ర మోదీ ప్రమాణస్వీకారం

జూన్​ 9, ఆదివారం, సాయంత్రం 6 గంటలకు.. ప్రధాని మోదీ మూడోసారి ప్రమాణస్వీకారం చేయనున్నారు. ఈ విషయాన్ని బీజేపీ ఎంపీ ప్రహ్లాద్​ జోషీ ప్రకటించారు.

ఇటీవల ముగిసిన లోక్​సభ ఎన్నికల్లో ఎన్​డీఏ కూటమి విజయం సాధించిన విషయం తెలిసిందే. కానీ బీజేపీకి సొంతంగా మెజారిటీ రాలేదు.

వరుసగా మూడోసారి ప్రధాని బాధ్యతలు చేపట్టే రెండో భారతీయుడిగా నిలుస్తారు మోదీ. మాజీ ప్రధాని జవహర్​లాల్​ నెహ్రూ.. 1952, 1957, 1962 ఎన్నికల్లో గెలిచి మూడుసార్లు ప్రధానిగా చేశారు.

ఇక ప్రధాని మోదీ ప్రమాణ స్వీకారానికి శ్రీలంక అధ్యక్షుడితో పాటు వివిధ దేశాలకు చెందిన కీలక నేతలు హాజరవుతారని సమాచారం.

మోదీ కేబినెట్​లో ఈసారి పలు కీలక మార్పులు కనిపిస్తాయి. బీజేపీకి సొంతంగా మెజారిటీ రాకపోవడంతో.. ఎన్​డీఏ పక్ష పార్టీలు కీలక పదవులకు పట్టుబట్టే అవకాశం ఉంది. ఈ విషయంపై త్వరలోనే ఓ క్లారిటీ వస్తుంది.