Side Sleepers: పక్కన దిండుతో నిద్రించే అలవాటు ఉందా? అయితే ఇది మీకోసమే!

తలకు దిండుపెట్టుకొని నిద్రపోయే అలవాటు చాలా మందికి ఉంటుంది. అయితే కొంతమందికి పక్కన దిండు పెట్టుకోనిదే నిద్రపోలేరు.   ఇలా సైడ్ దిండుతో నిద్రపోయే అలవాటు మీకుందా? అయితే ఇది చదవండి. 

పక్క దిండుతో నిద్రిస్తే శరీరానికి ఒక విధంగా మేలు జరుగుతుంది. కాబట్టి ఈ అలవాటు చాలా మంచిది. దీని వల్ల ఎలాంటి ప్రయోజనాలు పొందవచ్చో ఇప్పుడు చూద్దాం.

కాళ్ల మధ్య దిండు పెట్టుకుని పడుకోవడం వలన వెన్నెముకకు సహాయపడుతుంది. వెన్ను నొప్పుల నుండి ఉపశమనం పొందవచ్చు.

కాళ్ల మధ్యలో దిండు  లేదా సైడ్ దిండుతో నిద్రించడం వలన సయాటిక్ నరాల నొప్పిని తగ్గిస్తుంది. ఇది వెనుక కండరాలపై ఒత్తిడిని కూడా తగ్గిస్తుంది.

మీరు హాయిగా నిద్రపోవాలనుకుంటున్నారా? అప్పుడు సైడ్ దిండుతో పడుకోండి. త్వరగా నిద్రపడుతుంది.

గర్భిణీ స్త్రీలు వారి కాళ్ళ మధ్య దిండు లేదా సైడ్ దిండుతో నిద్రించమని  నిపుణులు సలహా ఇస్తారు. ఇది నిద్రలో కూడా వారి గర్భాన్ని  సురక్షిత స్థితిలో ఉంచుతుంది.  

అయితే కచ్చితంగా పక్కన దిండు పెట్టుకొని నిద్రించమని  ఇక్కడ చెప్పడం లేదు. మీకు ఎలా సౌకర్యంగా ఉంటే అలా నిద్రపోండి. దిండును పెట్టుకోవాలనుకుంటే సరైన దిండును ఎంచుకోండి. లేదంటే కండరాలు పట్టేసే అవకాశం ఉంటుంది.