AP TG Weather Updates : ఈ 3 రోజులు బలమైన ఉపరితల గాలులు - తేలికపాటి నుంచి మోస్తారు వర్షాలు...!

ఏపీ, తెలంగాణలో తేలికపాటి నుంచి మోస్తారు వర్షాలు కురవనున్నాయి. ఈ రెండు మూడు రోజులు భారీ వర్షాలు లేవు.

ఇవాళ (జులై 27) ఏపీలోని శ్రీకాకుళం, పార్వతీపురం మన్యం, అల్లూరి సీతారామ రాజు, కోనసీమ, తూర్పు గోదావరి, పశ్చిమగోదావరి, ఏలూరు, కృష్ణా, ఎన్టీఆర్ జిల్లాల్లోని కొన్ని ప్రాంతాల్లో తేలికపాటి నుండి మోస్తరు వర్షాలు కురిసే అవకాశం ఉంది.

ఉత్తర కోస్తా,. దక్షిణ కోస్తాతో పాటు సీమ జిల్లాలోని పలు ప్రాంతాల్లో జులై 31వ తేదీ వరకు తేలికపాటి నుంచి మోస్తారు వర్షాలు కురిసే అవకాశం ఉందని ఐఎండీ తెలిపింది. కొన్నిచోట్ల బలమైన గాలులు వీచే ఛాన్స్ ఉంది.

తెలంగాణలో చూస్తే ఇవాళ పలు చోట్ల తేలికపాటి నుంచి ఒక మోస్తారు వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది. ఎలాంటి హెచ్చరికలు లేవని పేర్కొంది.

ఈ మూడు రోజులు స్థిరమైన ఉపరితల గాలులు వీస్తాయని అంచనా వేసింది. గంటలకు 30 - 40 కిమీ వేగతంతో ఈ గాలలు వీస్తాయని వెల్లడించింది. 
 

జులై 31వ తేదీ వరకు తెలంగాణలోని పలు ప్రాంతాల్లో తేలికపాటి వర్షాలే కురిసే అవకాశం ఉందని హైదరాబాద్ వాతావరణ కేంద్రం తెలిపింది.