వెంటాడుతున్న మృత్యువు- కాంతార: చాప్టర్ 1 నుంచి మరొకరు మృతి- ఇవాళ గుండెపోటుతో రాకేష్ పూజారి మరణం- సినిమాకు పెద్ద దెబ్బ!

శాండిల్ వుడ్‌లో రూపొందిన కాంతార సినిమాా యావత్ భారతదేశాన్ని అలరించిన విషయం తెలిసిందే. రూ. 16 కోట్ల బడ్జెట్‌తో తెరకెక్కిన ఈ సినిమా రూ. 400 కోట్లకు పైగా వసూళ్లు సాధించి సరికొత్త రికార్డు సృష్టించింది.

మంచి విజయాన్ని అందుకున్న కాంతార సినిమాకు ప్రీక్వెల్‌గా కాంతారా చాప్టర్ 1 మూవీ రానున్న విషయం తెలిసిందే. ఈ సినిమా గురించి ప్రకటించినప్పటి నుంచి కాంతారా చాప్టర్ 1 టీమ్ చాలా ఇబ్బందులు ఎదుర్కొంది. ఇవాళ ఈ సినిమాలోని నటుడు రాకేష్ పూజారి కన్నుమూశారు.

'కాంతరా చాప్టర్'లో రాకేష్ పూజారి కీలక పాత్ర పోషిస్తున్నాడు. ఇప్పటికే తన పాత్రకు సంబంధించిన షూటింగ్ పూర్తి చేసుకున్నాడు రాకేష్. అయితే ఇవాళ (మే 12) తెల్లవారుజామున గుండెపోటుతో ఆకస్మికంగా రాకేష్ పూజారి మరణించారు.

మే 11న 'కాంతారా' సినిమా షూటింగ్ పూర్తి చేసుకున్న రాకేష్ తన క్లోజ్ ఫ్రెండ్ పెళ్లి కోసం కర్కాలకు వెళ్లాడు. తన స్నేహితులతో కలిసి పెళ్లి ఇంట్లో డాన్స్ కూడా చేశాడు.

అయితే ఈరోజున సోమవారం (మే 12) తెల్లవారు జామున లో బీపీ కారణంగా రాకేష్ పూజారి గుండెపోటుతో మరణించాడు. ఈ వార్త విని ఆయన సన్నిహితులు, కర్ణాటక ప్రజలు కన్నీటి పర్యంతమయ్యారు. దీనితో కాంతారా సినిమా టీమ్‌కు గట్టి దెబ్బ తగిలినట్లయింది.

ఇటీవల కేరళకు చెందిన జూనియర్ ఆర్టిస్ట్ కపిల్ బైందూర్ కొల్లూరు సమీపంలోని సౌపర్ణిక నదిలో మునిగి చనిపోయాడు. షూటింగ్‌లో పాల్గొనకుండా ఈతకు వెళ్లిన సమయంలో ఈ ఘటన జరిగిందని హోంబలే ఫిల్మ్స్ అధికారిక ప్రకటనలో తెలిపింది.

గత ఏడాది నవంబర్‌లో ఇదే సినిమా చాప్టర్ 1 సెట్స్‌లో జూనియర్ ఆర్టిస్టులకు జీతాలు ఇవ్వలేదని, వసతితో పాటు భోజనం పెట్టడం లేదని ఆరోపణలు వచ్చాయి.

కాంతారా సినిమా జూనియర్ ఆర్టిస్టులతో వెళ్తున్న మినీ బస్సు కొల్లూరు సమీపంలోని జడ్కల్ సమీపంలో బోల్తా పడిన విషయం తెలిసిందే. బస్సులో ఉన్న 20 మందిలో ఆరుగురికి తీవ్ర గాయాలయ్యాయి.

ఈ ఏడాది జనవరిలో హేరూర్ గ్రామ శివారులోని అటవీ ప్రాంతంలోని గోమాల భూమిలో జరిగిన కాల్పుల్లో కాంతారా బృందం అడవికి నిప్పుపెట్టినట్లు కూడా ఆరోపణలు వచ్చాయి.