Pushpa 2 Record: కలెక్షన్లలో పుష్ప 2 బ్రేక్ చేసిన బాలీవుడ్ సినిమాలు ఇవే! అన్నీ అల్లు అర్జున్ తర్వాతే!

అల్లు అర్జున్, రష్మిక మందన్న నటించిన పుష్ప 2: ది రూల్ మొదటి రోజు బాక్సాఫీస్ వద్ద అత్యధిక వసూళ్లు సాధించిన సినిమాల జాబితాలో చేరింది. ఈ చిత్రం మొదటి రోజు ఒక్క హిందీలోనే రూ. 72 కోట్లు వసూలు చేసింది. దీంతో ఈ సినిమా రూ. 50 కోట్ల ఓపెనింగ్స్ దాటడమే కాకుండా పుష్ప 2 బ్రేక్ చేసిన 8 సినిమాలను ఇక్కడ చూద్దాం. 

తొలిరోజు 'పుష్ప 2' బాక్సాఫీస్ వద్ద దుమ్మురేపింది. ఓపెనింగ్ డే కలెక్షన్స్ రూ.72 కోట్లు కొల్లగొట్టి సత్తా చాటింది.

షారుఖ్ ఖాన్ నటించిన 'జవాన్' మొదటి రోజు రూ.65.50 కోట్లు రాబట్టింది. ఇప్పటివరకు ఈ సినిమా నెంబర్ వన్‌గా ఉన్న ఈ సినిమా రికార్డ్‌ను బ్రేక్ చేసి ఆస్థానంలోకి పుష్ప 2 చేరింది. 

శ్రద్ధాకపూర్, రాజ్ కుమార్ రావు జంటగా నటించిన కామెడీ హారర్ సినిమా 'స్త్రీ 2' తొలిరోజు రూ.55.40 కోట్లు రాబట్టింది. అంటే, ఈ సినిమాను కూడా దాటేసింది పుష్ప 2 ది రూల్.

షారుఖ్ ఖాన్ కమ్ బ్యాక్ ఇచ్చిన మూవీ 'పఠాన్' కూడా బాక్సాఫీస్ వద్ద బంపర్ గా నిలిచింది. చాలా కాలం తర్వాత కింగ్ ఖాన్ మళ్లీ వెండితెరపైకి రావడాన్ని చూసేందుకు థియేటర్ల వద్ద భారీ జనసందోహం నెలకొంది. ఈ చిత్రం మొదటి రోజు రూ.55 కోట్లు రాబట్టగా దీన్ని పుష్పరాజ్ బ్రేక్ చేశాడు.  

సందీప్ రెడ్డి వంగా దర్శకత్వంలో రణ్ బీర్ కపూర్ హీరోగా నటించిన 'యానిమల్' కేజీఎఫ్ 2 హిందీ కలెక్షన్స్ అధిగమించి వసూళ్ల పరంగా కొత్త రికార్డు సృష్టించింది. అయితే, హిందీలో మొదటి రోజు యానిమల్ రూ. 54.75 కోట్లు రాబట్టింది. 

యశ్ నటించిన 'కేజీఎఫ్ 2' హిందీ వెర్షన్ ను చూసేందుకు తొలిరోజు చాలా మంది ప్రేక్షకులు థియేటర్లకు చేరుకున్నారు, దాంతో ఈ సినిమాకు రూ.53.95 కోట్లు వచ్చాయి. కేజీఎఫ్ 2, యానిమల్ రెండు సినిమాల రికార్డ్‌ ఎప్పుడో బ్రేక్ అయిపోయింది. 

కరోనాకు ముందు హృతిక్ రోషన్- టైగర్ ష్రాఫ్ నటించిన 'వార్' చిత్రం కూడా అద్భుతమైన ఆరంభాన్ని సాధించి తొలిరోజు రూ. 51.60 కోట్లు వసూలు చేసింది.

అమీర్ ఖాన్, అమితాబ్ బచ్చన్, కత్రీనా కైఫ్ వంటి బాలీవుడ్ స్టార్స్ నటించిన 'థగ్స్ ఆఫ్ హిందుస్థాన్' సినిమా ఫ్లాప్ అయింది. కానీ, భారీ అంచనాల నేపథ్యంలో ఈ సినిమాకు తొలిరోజు రూ. 50.75 కోట్లు వచ్చాయి. ఇలా హిందీలో కలెక్షన్స్‌తో సత్తా చాటిన సినిమాల కలెక్షన్స్ అన్నింటిని బ్రేక్ చేసి దుమ్ముదులిపింది పుష్ప 2.