Meenakshi Chaudhary: లక్కీ భాస్కర్‌తో మళ్లీ ట్రాక్‌లోకి మీనాక్షి చౌదరి కెరీర్, ఇన్‌స్టాలో అందాల విందు

దుల్కర్ సల్మాన్‌తో మీనాక్షి చౌదరి నటించిన లక్కీ భాస్కర్ మూవీ ఇటీవల దీపావళికి విడుదలై హిట్‌గా నిలిచింది. ఈ సినిమాలో మిడిల్ క్లాస్ వైఫ్‌గా మీనాక్షి చౌదరి నటనకి మంచి మార్కులు పడ్డాయి

2021లో టాలీవుడ్‌లోకి ఎంట్రీ ఇచ్చిన మీనాక్షి చౌదరి.. సుశాంత్‌తో ఇచ్చట వాహనములు నిలుపరాదు సినిమాలో నటించింది. కానీ.. ఆ తర్వాత కొన్నాళ్ల పాటు ఆమె స్క్రీన్‌పై మళ్లీ కనిపించలేదు.

మాస్ మహారాజా రవితేజతో ఖిలాడీ సినిమాలో మీనాక్షి చౌదరి అందాల్ని ఆరబోసింది. మరీ ముఖ్యంగా డ్యాన్స్‌లో గ్రేస్ చూపించింది. కానీ.. సినిమా డిజాస్టర్ కావడంతో మీనాక్షిని ఎవరూ పట్టించుకోలేదు.

ఈ ఏడాది సంక్రాంతికి విడుదలైన గుంటూరు కారంలో సెకండ్ హీరోయిన్‌గా మీనాక్షి చౌదరి నటించింది. కానీ..ఈ మూవీలో ఆమె పాత్ర చాలా పరిమితమైపోయింది. దాంతో సినిమాలో ఉన్నా.. లేనట్లే అయ్యింది.

తెలుగులో ఇప్పటికే కొన్ని సినిమాలు చేసినా.. మీనాక్షి చౌదరికి అవి కలిసిరాలేదు. కొన్ని సినిమాలు డిజాస్టర్‌గా మిగలగా.. హిట్-2 సినిమా హిట్ అయినా మీనాక్షి‌ చౌదరి కెరీర్‌కి ఉపయోగపడలేదు. ఆ సినిమాలో హాట్‌గా మీనాక్షి కనిపించింది.

ఈ ఏడాది విజయ్ నటించిన ది గోట్ మూవీలోనూ మీనాక్షి చౌదరి ఛాన్స్ కొట్టేసింది. కానీ.. ఈ సినిమా తెలుగులో చెప్పుకోదగ్గ వసూళ్లని రాబట్టలేకపోయింది. దాంతో మళ్లీ మీనాక్షి చౌదరికి నిరాశ తప్పలేదు.

ఒకవైపు కుర్ర హీరోలతో జత కడుతూనే.. మరోవైపు సీనియర్ హీరో వెంకటేశ్‌తోనూ మీనాక్షి చౌదరి ఒక సినిమా చేస్తోంది. సంక్రాంతికి వస్తున్నాం మూవీలో ఆమె నటిస్తోంది. ఈ సినిమా వచ్చే ఏడాది థియేటర్లలోకి రానుంది.

లక్కీ భాస్కర్ సినిమాతో హిట్ అందుకున్న మీనాక్షి చౌదరి.. మెగా కాంపౌండ్‌లో సినిమా చేస్తోంది. వరుణ్‌తేజ్‌తో డీగ్లామర్ రోల్‌ను మీనాక్షి చేస్తోంది. స్కిన్ షో కంటే.. నటనకి స్కోప్ ఉన్న పాత్ర ఇది. 

సినిమాల్లో ఎక్కువగా చీరలో కనిపించే మీనాక్షి చౌదరి, తెరపై అందాల్ని కూడా ఆరబోస్తుంటుంది. లక్కీ భాస్కర్ సినిమాతో క్రేజీ హీరోయిన్‌గా మారిపోయి వరుస అవకాశాల్ని దక్కించుకుంటోంది.