Keerthy Suresh: కెరీర్ పీక్స్‌లో ఉండగానే పెళ్లి చేసుకుంటున్న కీర్తి సురేశ్, హోమ్లీ హీరోయిన్ నుంచి గ్లామర్ డాల్‌గా!

హోమ్లీ హీరోయిన్‌గా తొలుత పేరు తెచ్చుకున్న కీర్తీ సురేశ్.. సర్కారు వారి పాట సినిమాతో గ్లామర్ హీరోయిన్‌గా మారిపోయింది. ఆ సినిమాలో అందాల్ని ఆరబోస్తూ.. మహేష్ బాబుతో డ్యాన్స్‌లో అదరగొట్టేసింది. 

2013లో వచ్చిన గీతాంజలి అనే మలయాళ చిత్రంతో ఇండస్ట్రీలోకి ఎంట్రీ ఇచ్చిన క్తీరి సురేశ్.. నేను లోకల్‌తో మంచి కమర్షియల్ హిట్ అందుకుని,  మహానటి మూవీకి నేషనల్ అవార్డుని కూడా సొంతం చేసుకుంది. 

హీరోయిన్ కీర్తి సురేశ్ పెళ్లి చేసుకోబోతోంది. సుదీర్ఘకాలంగా ఆంటోనీ తట్టిల్‌తో ప్రేమలో ఉన్న కీర్తి సురేశ్ త్వరలోనే అతనితో వివాహ బంధంలోకి అడుగుపెట్టనుంది. 

డిసెంబర్ 11, 12 తేదీల్లో గోవాలో వీరి వివాహం జరగనుందని వార్తలు వస్తున్నాయి. ఈ వివాహానికి కుటుంబ సభ్యులు, అత్యంత సన్నిహితులు మాత్రమే హాజరుకానున్నారట. 
 

డిసెంబర్ 11న గోవాలో డెస్టినేషన్ వెడ్డింగ్‌ను కీర్తి సురేశ్, ఆంటోనీ తట్టిల్‌ చేసుకోబోతున్నట్లు సమాచారం. ఈ మేరకు కీర్తి తండ్రి అక్కడికి వెళ్లి ఏర్పాట్లని కూడా పర్యవేక్షిస్తున్నట్లు వార్తలు వస్తున్నాయి. 

వ్యాపారవేత్త అయిన తట్టిల్‌తో కీర్తి సురేశ్ ప్రేమలో ఉన్నట్లు చాలా రోజుల నుంచి వార్తలు వచ్చాయి. ఓ సినిమా ప్రమోషన్ ఈవెంట్‌లో మీ బాయ్‌ఫ్రెండ్  తట్టిల్‌ కదా? అని ఓ జర్నలిస్ట్ అడగ్గా కీర్తి పకపకా నవ్వేసింది. కానీ సమాధానం చెప్పలేదు.

పెళ్లి, ప్రేమ గురించి అడిగిన ఓ ప్రశ్నకి.. అవసరమైనప్పుడు ఆ మిస్టరీ మ్యాన్ ఎవరో నేనే చెప్తాను అంటూ కీర్తి సురేశ్ సమాధానాన్ని దాటవేసింది. అప్పటి వరకూ కూల్ అంటూ ఉచిత సలహా ఇచ్చింది. 
 

కీర్తి చివరగా సుమన్ కుమార్ దర్శకత్వం వహించిన రఘు తాత అనే తమిళ చిత్రంలో నటించింది. అలానే బేబీ జాన్ సినిమాతో బాలీవుడ్‌లోకి ఎంట్రీ ఇచ్చింది. ఈ మూవీ డిసెంబర్ 25న విడుదల కానుంది.