TG Divorce Cases : తెలంగాణలో విడాకుల కేసులు ఎందుకు పెరుగుతున్నాయి..? 7 ప్రధాన కారణాలు

తెలంగాణలో ఈ మధ్య కాలంలో విడాకుల కేసులు బాగా పెరుగుతున్నాయి. దీనికి అనేక కారణాలున్నాయని నిపుణులు చెబుతున్నారు. ముఖ్యంగా 7 ప్రధాన అంశాలు.. భార్యభర్తలు విడిపోవడానికి కారణాలని నిపుణులు చెబుతున్నారు. మహిళలు ఆర్థికంగా స్వతంత్రులు కావడం వలన తమ కాళ్లపై తాము నిలబడగలమనే నమ్మకం పెరిగింది. దీనితో వారు తమ వివాహ బంధంలో సంతోషంగా లేకుంటే విడాకులు తీసుకోవడానికి వెనుకాడటం లేదు.

సమాజంలో మార్పులు రావడం వలన విడాకులను ఒకప్పుడులా తప్పుగా చూడటం లేదు. దీంతో విడాకులు తీసుకోవడం సులభం అయింది.

భార్యాభర్తల మధ్య సరైన కమ్యూనికేషన్ లేకపోవడం వలన అపార్థాలు, గొడవలు జరుగుతున్నాయి. ఇది విడాకులకు దారి తీస్తోంది.

భార్యాభర్తల మధ్య వ్యక్తిగత అభిప్రాయాలు, ఆసక్తులు వేరుగా ఉండటం వలన ఒకరినొకరు అర్థం చేసుకోవడం కష్టం అవుతోంది.

నేటి ఆధునిక జీవితంలో ఒత్తిడి ఎక్కువవడం వలన కుటుంబ జీవితంపై ప్రభావం పడుతోంది. దీంతో భార్యాభర్తలు ఒకరికొకరు సమయం కేటాయించలేకపోతున్నారు. ఇది కూడా విడాకులకు ఒక కారణం అవుతోంది.

విడాకులు తీసుకోవడం సులభం చేసే విధంగా చట్టాల్లో మార్పులు వచ్చాయి. ఇది కూడా విడాకుల కేసులు పెరగడానికి ఒక కారణంగా చెబుతున్నారు.

సాంకేతికత అభివృద్ధి చెందడం వలన ఒకరితో ఒకరు ఎక్కువగా కనెక్ట్ అవ్వడం లేదు. దీంతో ఒంటరితనం పెరుగుతోంది. ఇది కూడా విడాకులకు ఒక కారణంగా నిపుణులు చెబుతున్నారు.