Telangana Tourism : అద్భుతమైన శిల్పకళకు అద్దం.. రామప్ప ఆలయం గురించి 6 ఆసక్తికరమైన విషయాలు

రామప్ప ఆలయాన్ని 1213 సంవత్సరంలో.. కాకతీయ రాజుల కాలంలో నిర్మించారు. రేచర్ల రుద్రుడు అనే శిల్పి ఈ ఆలయాన్ని రామలింగేశ్వర స్వామికి అంకితం చేశారు. ఈ ఆలయం ప్రధాన శిల్పి పేరు మీద.. రామప్ప ఆలయంగా ప్రసిద్ధి చెందింది.

రామప్ప ఆలయం అద్భుతమైన శిల్పకళకు ప్రసిద్ధి. ఆలయం మొత్తం వివిధ దేవతల శిల్పాలతో అలంకరించి ఉంటుంది. ముఖ్యంగా స్త్రీలు మద్దెలు వాయిస్తూ నృత్యం చేస్తున్న శిల్పాలు.. ప్రత్యక ఆకర్షణగా నిలుస్తాయి.

ఆలయం నిర్మాణ శైలి ఎంతో ప్రత్యేకంగా, అద్భుతంగా కనిపిస్తుంది. ఆలయ నిర్మాణానికి ఉపయోగించిన ఇటుకలు నీటిలో తేలుతాయి అనేది ఒక ఆశ్చర్యకరమైన విషయం.

ఆలయంలోని శిల్పాలు చాలా సూక్ష్మంగా చెక్కబడి ఉన్నాయి. సూది మొనంత సన్నని రంధ్రాలు కూడా శిల్పాలలో కనిపిస్తాయి. ఇది అప్పటి శిల్పకళకు నిదర్శనం.

ఈ ఆలయం ప్రాముఖ్యతను యునెస్కో గుర్తించింది. 2021లో రామప్ప ఆలయాన్ని ప్రపంచ వారసత్వ కట్టడంగా ప్రకటించింది. ఇటు తెలంగాణ ప్రభుత్వం ఆలయ అభివృద్ధిపై దృష్టి పెట్టింది. నిధులు కేటాయిస్తోంది.

చరిత్ర గురించి తెలుసుకోవాలనుకునే వారికి రామప్ప ఆలయం మంచి ఎంపిక. ఆలయం చుట్టూ ఉన్న వాతావరణం మనస్సుకు ప్రశాంతను ఇస్తుంది. ఈ అద్భుతమైన ఆలయాన్ని సందర్శించడాన్ని చాలామంది అదృష్టంగా భావిస్తారు.