Stress relief: ఒత్తిడిని తగ్గించే ఈ 5 ముఖ్యమైన మినరల్స్ ను మీ ఆహారంలో భాగం చేసుకోండి..

దీర్ఘకాలిక ఒత్తిడి, అధిక కార్టిసాల్ స్థాయిలు శరీరంలో పోషక సమతుల్యతను దెబ్బతీస్తాయి, ఇది ముఖ్యమైన పోషకాలలో లోపాలకు దారితీస్తుంది. ఈ లోపాలు న్యూరోట్రాన్స్మిటర్ పనితీరు మరియు హెచ్పిఎ (హైపోథాలమిక్-పిట్యూటరీ-అడ్రినల్) స్థాయిల్లో హెచ్చుతగ్గులకు కారణమవుతాయి. ఒత్తిడిని సమర్థవంతంగా నిర్వహించే మన సామర్థ్యాన్ని తగ్గిస్తాయి. ఒత్తిడి స్థాయిలను నియంత్రించడానికి సహాయపడే ఐదు ఖనిజాల వివరాలు ఇక్కడ ఉన్నాయి.

మెగ్నీషియం న్యూరోట్రాన్స్మిటర్ విడుదలకు మెగ్నీషియం సపోర్ట్ చేస్తుంది. అంతేకాదు, ఇది మానసిక స్థితిని స్థిరీకరించడానికి సహాయపడుతుంది. ఇది కార్టిసాల్ స్థాయిలను నియంత్రించడంలో కూడా సహాయపడుతుంది. 

జింక్: అడ్రినల్ పనితీరుకు, సమతుల మానసిక స్థితికి సరైన మోతాదులో జింక్ ను తీసుకోవాల్సి ఉంటుంది. ఇది స్ట్రెస్ లెవెల్స్ ను రెగ్యులేట్ చేస్తుంది. మెదడు ఆరోగ్యాన్ని మెరుగుపరుస్తుంది.

సెలీనియం శరీరాన్ని ఆక్సీకరణ ఒత్తిడి నుండి రక్షించడానికి, థైరాయిడ్ పనితీరుకు శరీరంలో సరైన మోతాదులో సెలీనియం ఉండాలి. ఇది జీవక్రియ సరిగ్గా సాగడానికి, ఒత్తిడిని నియంత్రించడానికి సహాయపడుతుంది.

సోడియం: సముద్రపు ఉప్పు, కిమ్చి, సీవీడ్ లో సోడియం లభిస్తుంది. ఇది హార్మోన్ల ఉత్పత్తిని నియంత్రిస్తుంది. శరీరంలో ద్రవ సమతుల్యతను నిర్వహించడానికి సహాయపడుతుంది. 

పొటాషియం: శరీరంలో సరైన ఎలక్ట్రోలైట్ సమతుల్యతను నిర్ధారించడంలో పొటాషియం సహాయపడుతుంది, ఇది హృదయనాళ స్థిరత్వం, సమర్థవంతమైన హార్మోన్ల పనితీరుకు దారితీస్తుంది.