Belly fat: మొండి బెల్లీ ఫ్యాట్ మిమ్మల్ని వదలనంటోందా?.. ఈ అలవాట్లు చేసుకోండి.. స్లిమ్ గా మారండి

పొట్ట చుట్టూ ఉన్న కొవ్వు లేదా విసెరల్ కొవ్వు శరీరంలోని అన్ని కొవ్వులలో ముఖ్యమైనది. డయాబెటిస్, గుండె సమస్యలు లేదా రక్తపోటు వంటి దీర్ఘకాలిక ఆరోగ్య సమస్యలను ప్రధాన కారణం ఇదే. ీ బెల్లీ ఫ్యాట్ ను కరిగించే చిట్కాలను డైటీషియన్ మన్ప్రీత్ కల్రా చెబుతున్నారు.

శారీరక శ్రమ లేకపోవడం, ప్రాసెస్ చేసిన జంక్ ఫుడ్ ఎక్కువగా తీసుకోవడం, నిద్రలేమి, ఒత్తిడి, ఇన్సులిన్ రెసిస్టెన్స్, అధిక చక్కెర తీసుకోవడం, ఎక్కువ ఆల్కహాల్ తీసుకోవడం వల్ల మొండి బెల్లీ ఫ్యాట్ పేరుకుపోతుంది.

బెల్లీ ఫ్యాట్ ను కరిగించడం కోసం నానబెట్టిన గింజలు, విత్తనాలు వంటి మంచి కొవ్వులతో మీ రోజును ప్రారంభించండి. వీటిలోని మోనోశాచురేటెడ్ కొవ్వులు, ఒమేగా -3 ఫ్యాటీ ఆసిడ్స్ వంటి ఆరోగ్యకరమైన కొవ్వులు అధికంగా ఉన్న ఆహారం కొవ్వు తగ్గడానికి దారితీస్తుంది. అలాగే, మీ శరీరంలో హార్మోన్ల అసమతుల్యత ఉందేమో ఒకసారి చెక్ చేసుకోండి.

వారానికి కనీసం రెండు రోజులు రోజువారీ నడక కొనసాగించండి, దాంతో పాటు ఏబీ వ్యాయామాలు చేయండి. అలాగే, ఫైబర్ ను ఎక్కువగా తీసుకోండి. ఇది ఇన్సులిన్ సున్నితత్వాన్ని మెరుగుపరచడానికి, మీ గట్ లోని ఫ్రెండ్లీ బ్యాక్టీరియా పెరగడానికి సహాయపడుతుంది. 

రాత్రిపూట ఆలస్యంగా తినడం మానుకోండి.  రాత్రిపూట ఎక్కువ సేపు మేలుకుని ఉంటే ఏదైనా తినాలన్న కోరిక పెరుగుతుంది. రాత్రి ఆలస్యంగా తినడం వల్ల హార్మోన్ల అసమతుల్యత పెరుగుతుంది. 

భోజనం తర్వాత ఒక కప్పు నీటిలో చిటికెడు దాల్చినచెక్క పొడిని కలుపుకుని తాగితే కొవ్వు తగ్గుతుంది. ఇది మీకు బాగా నిద్రపోవడానికి కూడా సహాయపడుతుంది. 

నీరు లేదా పల్చని మజ్జిగలో ఒక టీస్పూన్ వేడి చేసి పొడి చేసిన అవిసె గింజలను కలుపుకుని తాగండి. తద్వారా మీ ఆహారంలో ఫైబర్, ప్రోటీన్, ఆరోగ్యకరమైన కొవ్వులు చేరుతాయి,

భోజనానికి ముందు ఒక గ్లాసు నీటిలో 1 టీస్పూన్ ఆపిల్ సైడర్ వెనిగర్ కలపండి, ఇది బెల్లీ ఫ్యాట్ తగ్గడానికి అద్భుతంగా పనిచేస్తుంది. 

సంక్లిష్ట పిండి పదార్థాలు, ఫైబర్, ప్రోటీన్ ఉన్న బీన్స్ వంటి కూరగాయలు కొవ్వు తగ్గడానికి సహాయపడతాయి. మీ ఆహారంలో తగినన్ని కూరగాయలు ఉండేలా చూసుకోండి. 

కొవ్వు తగ్గడానికి మీరు తీసుకోగల మరో అద్భుతమైన సూపర్ ఫుడ్ మెంతి గింజల నీరు. ఒక గ్లాసు నీటిలో 1 స్పూన్ నానబెట్టిన మెంతులను రాత్రంతా నానబెట్టి ఉదయాన్నే తీసుకోవాలి.