తెలుగు న్యూస్ / ఫోటో /
Delhi Airport pics: ఢిల్లీ విమానాశ్రయం పైకప్పు కుప్పకూలిన దృశ్యాలు
Jun 28, 2024, 07:51 PM , IST
Delhi Airport pics: ఇందిరాగాంధీ అంతర్జాతీయ విమానాశ్రయం (IGIA)లోని టెర్మినల్ 1లోని డిపార్చర్ ఏరియాలో శుక్రవారం ఉదయం 5 గంటల ప్రాంతంలో ఒక్కసారిగా పై కప్పు కుప్పకూలింది. సపోర్టింగ్ బీమ్స్ కూడా కూలిపోయాయి. ఈ ఘటనలో ఒక వ్యక్తి ప్రాణాలు కోల్పోగా, ఆరుగురు గాయాలపాలయ్యారు.
(1 / 9)
ఢిల్లీ విమానాశ్రయంలోని టర్మినల్ 1 పైకప్పు కూలింది. ఈ ఘటనలో ఒకరు మృతి చెందారు. మరో ఆరుగురికి గాయాలయ్యాయి. భారీ వర్షాల కారణంగా ఇందిరాగాంధీ అంతర్జాతీయ విమానాశ్రయం (ఐజీఐఏ)లోని టెర్మినల్ 1 (టీ1) డిపార్చర్ ఏరియాలో ఉదయం 5 గంటల సమయంలో ఈ ప్రమాదం జరిగింది.(AP)
(2 / 9)
ఢిల్లీ విమానాశ్రయంలో దేశీయ విమానాల రాకపోకలకు ఉపయోగించే టెర్మినల్ 1లో విమాన కార్యకలాపాలను తదుపరి నోటీసు వచ్చే వరకు నిలిపివేశారు.(Bloomberg)
(3 / 9)
ఢిల్లీ విమానాశ్రయం పైకప్పు కూలిన ఘటన స్థలాన్ని కేంద్ర పౌరవిమానయాన శాఖ మంత్రి కె.రామ్మోహన్ నాయుడు సందర్శించారు. భారీ వర్షాల కారణంగా ఢిల్లీ విమానాశ్రయం టర్మినల్ 1 పై కప్పు కూలిపోయిందని పౌర విమానయాన మంత్రిత్వ శాఖ తెలిపింది. (PTI)
(4 / 9)
ఈ ప్రమాదంలో పైకప్పు షీట్ తో పాటు, సపోర్ట్ బీమ్స్ కూలిపోయాయి, టెర్మినల్ పికప్, డ్రాప్ ప్రాంతంలో పార్క్ చేసిన కార్లు దెబ్బతిన్నాయి. ధ్వంసమైన వాహనాల్లోని క్షతగాత్రులను గురుగ్రామ్ లోని మేదాంత ఆస్పత్రికి తరలించారు. (PTI)
(5 / 9)
గురువారం ఉదయం నుంచి ఢిల్లీలో ఎడతెరిపి లేని వర్షం కురుస్తోంది. ఈ నేపథ్యంలో నగరంలోని అంతర్జాతీయ విమానాశ్రయ ప్రాంగణంలోకి పెద్ద ఎత్తున వర్షం నీరు వచ్చి చేరింది.(AP)
(6 / 9)
ఢిల్లీ విమానాశ్రయ పైకప్పు కూలిన నేపథ్యంలో, ప్రమాద స్థలాన్ని కేంద్ర పౌర విమానయాన మంత్రి రామ్మోహన్ నాయుడు పరిశీలించారు. మృతుడి కుటుంబానికి రూ.20 లక్షలు, క్షతగాత్రులకు రూ.3 లక్షల చొప్పున పరిహారం అందజేయనున్నట్లు మంత్రి తెలిపారు.(PTI)
(7 / 9)
ఢిల్లీలోని ఇందిరాగాంధీ అంతర్జాతీయ విమానాశ్రయం టర్మినల్ 1 పై కప్పు కుప్పకూలడంతో, వెలుపల వేచి ఉన్న ప్రయాణికులు. ఈ ప్రమాదం తరువాత టెర్మినల్ 1 నుండి అన్ని రాకపోకలను తాత్కాలికంగా నిలిపివేశారు.(AP)
(8 / 9)
ఢిల్లీ విమానాశ్రయం టర్మినల్ 1 పైకప్పు కూలిపోవడంతో ఆ టెర్మినల్ లో కార్యకలాపాలను నిలిపివేశారు. టీ1 నుంచి రావాల్సిన ఇండిగో విమానాలను టీ2, టీ3లకు, స్పైస్ జెట్ విమానాలను టీ2కు మారుస్తున్నట్లు డీఐఏఎల్ తెలిపింది.(Bloomberg)
ఇతర గ్యాలరీలు