Telugu News  /  National International  /  Zerodha Faces Snag In Early Trade
జెరోధా సేవలకు తీవ్ర అంతరాయం.. ట్రేడర్లకు నష్టాలు!
జెరోధా సేవలకు తీవ్ర అంతరాయం.. ట్రేడర్లకు నష్టాలు! (Zerodha,com)

Zerodha down : జెరోధా సేవలకు తీవ్ర అంతరాయం.. ట్రేడర్లకు నష్టాలు!

11 August 2022, 11:04 ISTSharath Chitturi
  • Share on Twitter
  • Share on FaceBook
11 August 2022, 11:04 IST

Zerodha down : జెరోధా సేవలకు గురువారం ఉదయం తీవ్ర అంతరాయం ఏర్పడింది. సామాజిక మాధ్యమాల్లో యూజర్లు తమ అసంతృప్తిని బయటపెట్టారు.

Zerodha down : ప్రముఖ బ్రోకరేజ్​ సంస్థ జెరోధా సేవలకు గురువారం ఉదయం అంతరాయం ఏర్పడింది. యాప్​లో ప్రైజ్​లు సరిగ్గా టిక్​ అవ్వడం లేదని పలువురు కస్టమర్లు వెల్లడించారు.

ట్రెండింగ్ వార్తలు

ఈ వ్యవహారంపై స్పందించిన జెరోధా బృందం.. సమస్యను పరిష్కరించింది. ఇప్పుడు జెరోధా సేవలు మునుపటిలాగే కొనసాగుతున్నాయి.

గురువారం ట్రేడింగ్​ సెషన్​ మొదలైన కొంత సేపటికే ప్రైజ్​ విషయంలో సమస్యలు తలెత్తినట్టు తెలుస్తోంది. చాలా మంది జెరోధా కస్టమర్లు.. సామాజిక మాధ్యమాల్లో తమ అసంతృప్తిని వెల్లడించారు.

Zerodha not working : ఈ క్రమంలో.. జెరోధాపై సామాజిక మాధ్యమాల్లో మీమ్స్​ పేలాయి. 'జెరోధా టీమ్​ కూడా.. సెలవుల మీద వెళ్లినట్టుంది,' అంటూ పలువురు ఫన్నీ కామెంట్లు పెట్టారు.

మరికొందరు.. జెరోధాపై తీవ్రంగా మండిపడ్డారు. 'జెరోధాలో టెక్నికల్​ సమస్యల వల్ల.. నేను మూడోసారి లాస్​ని బుక్​ చేశాను. దీనికి ఎవరు బాధ్యత వహిస్తారు?' అని ఓ ట్రేడర్​ అసంతృప్తిని బయటపెట్టాడు. 'ఇప్పటికే నా 60 నిమిషాల సమయం వృథా అయిపోయింది. ఇకనైనా నా షేర్లను అమ్మగలనా?' అంటూ మరో వ్యక్తి ట్వీట్​ చేశాడు.

పేటీఎం.. గూగుల్​..

ఆన్​లైన్​ యాప్​లు సరిగ్గా పనిచేయకపోవడం ఇటీవలి కాలంలో ఆందోళకర రీతిలో పెరుగుతోంది. పేటీఎం, గూగుల్​ సేవలు సైతం ఇటీవల నిలిచిపోయాయి.

దేశవ్యాప్తంగా పేటీఎం సేవలకు గత శుక్రవారం అంతరాయం ఏర్పడింది. చాలా మందికి పేటీఎం యాప్​ పనిచేయలేదు. పేటీఎం ద్వారా లావాదేవీలు జరగడం లేదని ఫిర్యాదు వెల్లువెత్తాయి. ముఖ్యంగా ఢిల్లీ, ముంబై , బెంగళూరు వంటి నగరాల్లో ప్రజలు చాలా ఇబ్బంది పడ్డారు. పేటీఎంలో తలెత్తిన సమస్యలను కొంతసేపటికి సంస్థ పరిష్కరించినట్టు తెలుస్తోంది. ఇప్పుడు యాప్​ ఎప్పటిలాగానే పనిచేస్తోంది. వినియోగదారులు లావాదేవీలు చేసుకోగలుగుతున్నారు.