Annual Life Certificate : అలర్ట్- ఇలా చేయకపోతే మీ పెన్షన్ ఆగిపోతుంది!
Annual Life Certificate Pension : 80 సంవత్సరాలు, అంతకంటే ఎక్కువ వయస్సు ఉన్న కేంద్ర ప్రభుత్వ పెన్షనర్లు తమ వార్షిక జీవిత ధ్రువీకరణ పత్రాన్ని నవంబర్ 30లోపు సమర్పించాల్సి ఉంటుంది. లేకపోతే పెన్షన్ పంపిణీలో జాప్యం ఏర్పడుతుంది. పూర్తి వివరాలు..
కేంద్ర ప్రభుత్వం నుంచి పెన్షన్ పొందుతున్న వారందరికి అలర్ట్! నవంబర్ చివరి లోపు వార్షిక జీవిత ధ్రువీకరణ పత్రాన్ని కచ్చితంగా సమర్పించాల్సి ఉంటుంది. లేకపోతే పెన్షన్ ఆగిపోవచ్చు.
80 ఏళ్లు, అంతకంటే ఎక్కువ వయస్సు ఉన్న సీనియర్ సిటిజన్లు అక్టోబర్ 1 నుంచి తమ వార్షిక జీవిత ధృవీకరణ పత్రాన్ని దాఖలు చేయడానికి ప్రభుత్వం అనుమతిస్తుంది.
జీవన్ ప్రమాణ్ అంటే ఏమిటి?
జీవన్ ప్రమాణ్ అనేది పెన్షన్ అథారిటీ ముందు అతను /ఆమె జీవించి ఉన్నారని నిరూపించడానికి పెన్షనర్ల కోసం ఐటి చట్టం-గుర్తింపు పొందిన ఆధార్ ఆధారిత, బయోమెట్రిక్ ఆధారిత డిజిటల్ లైఫ్ సర్టిఫికేట్.
ఫేస్ అథెంటికేషన్ ఉపయోగించి డిజిటల్ లైఫ్ సర్టిఫికేట్ ఎలా సబ్మీట్ చేయాలి?
- కనీసం 5 మెగాపిక్సెల్ ఫ్రంట్ కెమెరాతో పాటు ఇంటర్నెట్ కనెక్టివిటీ ఉన్న స్మార్ట్ఫోన్ ఉండేలా చూసుకోవాలి.
- బ్యాంకు, పోస్టాఫీస్ లేదా ఇతరులతో సహా పెన్షన్ పంపిణీ అథారిటీ వద్ద మీ ఆధార్ నంబర్ రిజిస్టర్ అయ్యిందో లేదో నిర్ధారించుకోండి. మీ డిజిటల్ లైఫ్ సర్టిఫికేట్ పొందడానికి ఆధార్ నంబర్ లేదా వీఐడీ తప్పనిసరి.
- గూగుల్ ప్లే స్టోర్ నుంచి 'ఆధార్ ఫేస్ ఆర్డీ', 'జీవన్ ప్రమాణ్ ఫేస్ యాప్'లను డౌన్లోడ్ చేసుకుని ఇన్స్టాల్ చేసుకోవాలి.
- ఆపరేటర్ ఆథెంటికేషన్ చేయండి. ఆపరేటర్ ఫేస్ని స్కాన్ చేయండి.
- అన్ని పెన్షనర్ వివరాలను నింపండి.
- ఫ్రంట్ కెమెరాతో ఫోటో తీసుకొని సబ్మిట్ చేయండి.
- జీవన్ ప్రమాణ్ డిజిటల్ లైఫ్ సర్టిఫికేట్ డౌన్లోడ్ చేసుకోవడానికి లింక్తో కూడిన ఎస్ఎంఎస్ మీ మొబైల్ నంబర్కి వెళుతుంది.దాన్ని డౌన్లోడ్ చేసుకుని సబ్మిట్ చేయాలి.
వార్షిక జీవన సర్టిఫికేట్ సబ్మిట్ చేయడానికి చివరి తేదీ ఏమిటి?
సాధారణంగా వార్షిక లైఫ్ సర్టిఫికేట్ సమర్పించడానికి చివరి తేది నవంబర్ 30. ప్రభుత్వం పొడిగించకపోతే ఇదే చివరి తేది అవుతుంది.
80 ఏళ్లు పైబడిన సీనియర్ పెన్షనర్లు 2024 అక్టోబర్ 1న లైఫ్ సర్టిఫికేట్ సమర్పించినా అది వచ్చే ఏడాది నవంబర్ 30 వరకు వర్తిస్తుంది.
నవంబర్ వరకు లైఫ్ సర్టిఫికేట్ సమర్పించకపోతే ఏమవుతుంది?
లైఫ్ సర్టిఫికేట్ సమర్పించకపోతే పెన్షన్ చెల్లింపులు ఆగిపోతాయి!
అయితే ఆ తర్వాతి నెలలో లైఫ్ సర్టిఫికేట్ సమర్పిస్తే పెన్షన్ చెల్లింపులు పునఃప్రారంభమవుతాయని, అప్పటి వరకు ఉన్న బకాయిలన్నీ పెన్షనర్ కు కూడా చెల్లిస్తామని అధికారులు చెబుతున్నారు. కానీ మూడేళ్లలోపు లైఫ్ సర్టిఫికేట్ సమర్పిస్తేనే ఇది సాధ్యమవుతుందన్నారు.
మూడేళ్లు లేదా అంతకంటే ఎక్కువ కాలం లైఫ్ సర్టిఫికేట్ సమర్పించకపోతే, తగిన ప్రక్రియ ప్రకారం సీపీఏఓ ద్వారా కాంపిటెంట్ అథారిటీ మంజూరు చేసిన తరువాత పెన్షన్ ప్రారంభించడం జరుగుతుంది.
ఫేస్ అథెంటికేషన్ ద్వారా మీ డిజిటల్ లైఫ్ సర్టిఫికేట్ పొందడం వల్ల కలిగే ప్రయోజనాలు ఏమిటి?
- చాలా ఆండ్రాయిడ్ స్మార్ట్ఫోన్లలో ఇది పనిచేస్తుంది.
- ఇంట్లోనే సౌకర్యవంతంగా త్వరగా పూర్తి చేయవచ్చు.
- ఎక్స్టర్నల్ బయోమెట్రిక్ పరికరం అవసరం లేదు.
- బ్యాంకుకు వెళ్లాల్సిన అవసరం లేదు.
- అరిగిపోయిన వేలిముద్రలు లేదా దెబ్బతిన్న కళ్ళు ఉన్న వ్యక్తులకు ఇది విలువైన పరిష్కారం.
సంబంధిత కథనం
టాపిక్