World's oldest person | ప్రపంచంలోనే అత్యంత వృద్ధురాలు.. ఇక లేరు!
Kane Tanaka death | జపాన్ మహిళ.. కేన్ తనాకా.. 119ఏళ్ల వయస్సులో తుదిశ్వాస విడిచారు. ప్రపంచంలోనే అత్యంత వృద్ధురాలిగా ఆమె గుర్తింపు తెచ్చుకున్నారు. చివరి నిమిషం వరకు ఆమె యాక్టివ్గానే ఉన్నట్టు తెలుస్తోంది.
World's oldest person | ప్రపంచంలోనే అత్యంత వృద్ధురాలిగా గుర్తింపు పొందిన జపాన్ మహిళ.. తుదిశ్వాస విడిచారు. 119ఏళ్ల కేన్ తనాకా.. ఈ నెల 19న మరణించినట్టు అధికారులు సోమవారం వెల్లడించారు.
జపాన్లోని నైరుతి ఫుకుయోకా ప్రాంతంలో 1903 జనవరి 2న కేన్ తనాకా జన్మించారు. ఆమె వివిధ వ్యాపారాల్లో సత్తా చాటారు. నూడిల్స్ సూప్, రైస్ కేక్ వంటి దుకాణాలు ఆమెకు ఉండేవి. 1922లో హిడియో తనాకాను వివాహం చేసుకున్నారు. వారికి నలుగురు సంతానం. మరొకరిని దత్తత తీసుకున్నారు.
2019లో గిన్నిస్ వరల్డ్ రికార్డ్స్.. ఆమెను ప్రపంచంలోనే అత్యంత వృద్ధురాలిగా గుర్తించింది. తన జీవితంలో అదే అత్యంత సంతోషకరమైన రోజు అని నాడు తనాకా వెల్లడించారు.
Kane Tanaka death | నర్సింగ్ హోంలో ఆమె ఉండేవారు. అంత పెద్ద వయస్సులోనూ తనాకా చాలా చురుకుగా ఉండేవారు. ఉదయాన్నే 6 గంటలకు నిద్రలేచేవారు. బోర్డు గేమ్స్ ఆడేవారు. మధ్యాహ్నం మేథమెటిక్స్ చేస్తూ గడిపేవారు. కాలిగ్రఫీ ప్రాక్టీస్ చేసేవారు. సోడాలు తాగేవారు, చాక్లెట్లు తినేవారు. చివరి వరకు ఆమె ఆరోగ్యంగానే ఉన్నట్టు తెలుస్తోంది.
అంతేకాకుండా.. 2021 టోక్యో ఒలింపిక్స్లో వీల్ ఛైర్పై కూర్చుని టార్చ్ రిలేలో పాల్గొనాలని ఆమె భావించారు. కానీ కరోనా మహమ్మారి కారణంగా అది సాధ్యపడలేదు.
జపాన్లో వృద్ధులు ఎక్కువే..!
ప్రపంచంలో అత్యంత వృద్ధులు కలిగిన దేశంగా జపాన్కు గుర్తింపు ఉంది. ప్రపంచ బ్యాంకు డేటా ప్రకారం. 65ఏళ్లు, అంతకన్నా పైబడిన వారు 28శాతం మంది ఉంటారు!
కేన్ తనాకా కంటే ముందు.. ప్రపంచంలోనే అత్యంత వృద్ధురాలిగా జేన్ లూయిజ్ అనే ఫ్రెంచ్ మహిళ ఉండేవారు. 1997లో.. 122ఏళ్ల, 164 రోజులకు ఆమె ప్రాణాలు వీడారు. ఆ తర్వాత.. ఆ స్థానం తనాకాకు దక్కింది.
సంబంధిత కథనం