Gang Rape in Rajastan: భర్త ఎదుటే గ్యాంగ్ రేప్; ముగ్గురి అరెస్ట్

Gang Rape in Rajastan: రాజస్తాన్ లోని సిరోహి జిల్లాలో వాచ్ మెన్ ఉద్యోగం చేసే వ్యక్తి ఇంట్లో రెండు రోజుల క్రితం ఈ దారుణం జరిగింది. దంపతులు ఇంట్లో నిద్రిస్తున్న సమయంలో ఇంట్లోకి ప్రవేశించిన దుండగులు ఈ దారుణానికి ఒడిగట్టారు.

Gang Rape in Rajastan: దొంగతనానికి వచ్చి..

రాత్రి సమయంలో లోపలికి వచ్చిన నలుగురు దొంగలు ముందుగా, ఆ భర్తను బంధించారు. అతడిని కొట్టి అతడి వద్ద ఉన్న రూ. 1400 తీసుకున్నారు. మరిన్ని డబ్బులు, బంగారం కావాలని ఆ దంపతులపై చేయి చేసుకున్నారు. ఆ భర్తను కట్టేసి, విపరీతంగా కొట్టారు. అయినప్పటికీ, తమ వద్ద ఇక డబ్బు, బంగారం ఏమీ లేదని వారు చెప్పడంతో, అతడి భార్యపై సామూహిక అత్యాచారానికి పాల్పడ్డారు. ఆమెను తీవ్రంగా గాయపర్చారు.

Gang Rape in Rajastan: పోలీసు కేసు

ఈ ఘటనతో షాక్ గురైన ఆ భార్యభర్తలు మర్నాడు ఉదయం వరకు ఈ విషయాన్ని ఎవరికీ చెప్పలేదు. ఆ తరువాత స్థానికుల సహకారంతో పోలీస్ స్టేషన్ కు వెళ్లి ఫిర్యాదు చేశారు. ఫిర్యాదు అందిన తరువాత నిందితుల కోసం గాలింపు ప్రారంభించామని, సమీప గ్రామంలో ముగ్గురు నిందితులను అదుపులోకి తీసుకున్నామని పోలీసులు తెలిపారు. మరో వ్యక్తి కోసం గాలిస్తున్నామన్నారు.