Mukul Roy missing : టీఎంసీ సీనియర్​ నేత ముకుల్​ రాయ్​ అదృశ్యం.. అసలేం జరిగింది?

Mukul Roy missing : పశ్చిమ్​ బెంగాల్​లో అలజడి! టీఎంసీ సీనియర్​ నేత ముకుల్​ రాయ్​ అదృశ్యం! సోమవారం సాయంత్రం నుంచి ముకుల్​ రాయ్​ కనిపించడం లేదని ఆయన తనయుడు సుభార్గుషు రాయ్​ మీడియాకు తెలిపారు.

అసలేం జరిగింది..?

సోమవారం సాయంత్రం ముకుల్​ రాయ్​ కోల్​కతా నుంచి ఢిల్లీకి వెళ్లాల్సి ఉంది. కానీ ఆయన విమానంలో లేరని తెలుస్తోంది. "ఢిల్లీలో ఆయన రాత్రి 9 గంటలకు దిగాలి. కానీ అలా జరగలేదు. ముకుల్​ రాయ్​ కనిపించడం లేదు," అని ఈ రాజకీయ నేతకు చెందిన్న సన్నిహితులు వెల్లడించారు.

Mukul Roy TMC : "ఇండిగో ఎయిర్​లైన్స్​ జీఈ- 898లో ముకుల్​ రాయ్​ ఢిల్లీకి వెళ్లాల్సి ఉంది. ఆ విమానం ఢిల్లీలో 9:55కి దిగింది. కానీ నా తండ్రి అందులో కనిపించలేదు," అని సుభార్గుషు రాయ్​ తెలిపారు.

ఇదీ చూడండి :- Selfie Video: 'నా భార్య ఆచూకీ చెప్పండి.. లేకపోతే మా శవాల లోకేషన్ షేర్ చేస్తా'

అయితే.. తండ్రీ- కొడుకుల మధ్య సోమవారం గొడవ జరిగినట్టు తెలుస్తోంది. గొడవ అనంతరం ఆయన కనిపించకుండాపోవడం గమనార్హం. మరోవైపు భార్య మరణం తర్వాత నుంచి ముకుల్​ రాయ్​కు ఆరోగ్య సమస్యలు పెరిగాయి. ఈ ఏడాది ఫిబ్రవరి ఆయన ఆసుపత్రిలో కూడా చేరారు.

Mukul Roy latest news in Telugu : ముకుల్​ రాయ్​ అదృశ్యమవ్వడంతో పోలీసులకు ఫిర్యాదు చేసినట్టు సుభార్గుషు రాయ్​ చెప్పారు. కానీ.. మీడియాకు వచ్చిన సమాచారం ప్రకారం పోలీసులకు ఇంకా ఎంటువంటి ఫిర్యాదు అందలేదు!

ఈ వ్యవహారంపై టీఎంసీ కూడా ఇంకా స్పందించలేదు.

ముకుల్​ రాయ్​.. టీఎంసీలో నెం.2..!

ముకుల్​ రాయ్​కు.. టీఎంసీలో నెం.2 అని గతంలో పేరుంది. కానీ 2017లో ఆయన బీజేపీలో చేరి షాకిచ్చారు. పార్టీ నాయకత్వంతో విభేదాల కారణంగా టీఎంసీకి వీడ్కోలు పలికారు. బీజేపీ ఆయనకు ఉపాధ్యక్షుడి బాధ్యతలు ఇచ్చింది. 2021 అసెంబ్లీ ఎన్నికల్లో బీజేపీ టికెట్​పై పోటీ చేసి గెలిచారు ముకుల్​ రాయ్​. కానీ కొన్ని రోజులకే మళ్లీ టీఎంసీలోకి చేరిపోయారు.