'గ్రీన్​ కార్డ్​ లాటరీ'తో అమెరికాలో శాశ్వత నివాసం- భారతీయులు అప్లై చేసుకోవచ్చా?

ఇమ్మిగ్రేషన్​ రేటు తక్కువ ఉన్న దేశాల నుంచి వస్తున్న వారికి 'డైవర్సిటీ ఇమ్మిగ్రెంట్​ వీసీ' (డీవీ) ప్రోగ్రామ్​ ద్వారా 55వేల ఇమ్మిగ్రెంట్​ వీసాలను అమెరికా ప్రతియేటా అందిస్తుంది. ఈ ప్రోగ్రామ్​కి డీవై లాటరీ లేదా గ్రీన్​ కార్డ్​ లాటరీ అన్న పేర్లు ఉన్నాయి. అసలేంటి గ్రీన్​ కార్డ్​ లాటరీ? అర్హత ఏంటి? భారతీయులు అప్లై చేయవచ్చా? పూర్తి వివరాలను ఇక్కడ తెలుసుకోండి..

గ్రీన్​ కార్డ్​ లాటరీ- పూర్తి వివరాలు..

గ్రీన్​ కార్డ్​ లాటరీ పద్ధతిలో ప్రతియేటా 55వేల మందికి అమెరికా శాశ్వత నివాసాన్ని మంజూరు చేస్తుంది.

• ఇమ్మిగ్రేషన్​ యాక్ట్​ కింద 1990లో ఇది మొదలైంది.
• అమెరికా విదేశాంగశాఖ (డిపార్ట్​మెంట్​ ఆఫ్​ స్టేట్​) ఈ గ్రీన్​ కార్డ్​ లాటరీని నిర్వహిస్తుంది.
• అప్లికేషన్​కి ఎలాంటి ఫీజు ఉండదు.

గ్రీన్​ కార్డ్​ లాటరీ- ఎంపిక విధానం..

• రాండమ్​ పద్ధతిలో (కంప్యూటరైజ్డ్​ డ్రా) ఎంపిక చేస్తారు.
• ఈ డ్రా అక్టోబర్​లో ఓపెన్​ అవుతుంది. నవంబర్​లో ముగుస్తుంది.

గ్రీన్​ కార్డ్​ లాటరీ పేరు పిక్​ అయితే ఏమవుతుంది?

అమెరికా గ్రీన్​ కార్డ్​ లాటరీ డ్రాలో మీరు పేరు పిక్​ అయిన వెంటనే శాశ్వత నివాస హోదా దక్కదు! దీని తర్వాత ఇంకాస్త ప్రాసెస్​ ఉంటుంది.

• అధికారులతో ఇంటర్వ్యూ
• మెడికల్​ చెకప్​
• బ్యాక్​గ్రౌండ్​ చెక్​

గ్రీన్​ కార్డ్​ లాటరీ- ఇవి గుర్తుపెట్టుకోండి..

గత 5ఏళ్లల్లో ఏ దేశం నుంచైతే 50వేల మందికిపైగా వలసదారులు అమెరికాలోకి వచ్చి ఉంటారో, ఆయా ప్రాంతాల నుంచి వస్తున్న వారికి ఈ గ్రీన్​ కార్డ్​ లాటరీలో పాల్గొనే అర్హత లేదు!

ఈ గ్రీన్​ కార్డ్​ లాటరీ మీరు కేవలం ఒక్కసారి మాత్రమే ఎంట్రీ ఇవ్వగలరు. ఒకటికి మించి ఎంట్రీలు సమర్పిస్తే, ఆటోమెటిక్​గా అనర్హులవుతారు.

ప్రభుత్వానికి చెందిన అధికారిక వెబ్​సైట్​లో నుంచే గ్రీన్​ కార్డ్​ లాటరీకి అప్లై చేయాలి. వేరే సోర్సులను నమ్మకూడదు.

గ్రీన్​ కార్డ్​ లాటరీ- భారతీయులు అప్లై చేసుకోవచ్చా?

అమెరికా విడుదల చేసిన గ్రీన్​ కార్డ్​ లాటరీ ఎలిజిబులిటీ లిస్ట్​లో భారత్​ పేరు లేదు. ఇండియా నుంచి అత్యధిక మంది అమెరికాకు వెళుతుండటం ఇందుకు కారణం.

అయితే, లిస్ట్​లో ఉన్న దేశాల్లో పుట్టిన వారు ఈ లాటరీకి అప్లై చేసుకోవచ్చు. ఆయా దేశాల్లో పుట్టిన భారతీయులు కూడా అప్లై చేసుకోవచ్చు!

గ్రీన్​ కార్డ్​ లాటరీకి అర్హత ఉన్న దేశాలు- అల్జీరియా, అంగోలా, బెనిన్, బోట్స్​వానా, బుర్కినా ఫాసో, బురుండి, కామెరూన్, కాబో వెర్డే, సెంట్రల్ ఆఫ్రికన్ రిపబ్లిక్, చాద్, కొమొరోస్, కాంగో, ఐవరీ కోస్ట్, జిబౌటి, ఈజిప్ట్, ఈక్వటోరియల్ గినియా, ఎరిట్రియా, ఎస్వాటిని, ఇథియోపియా, గాబన్, గాంబియా, ఘనా, గినియా, గినియా-బిస్సావు, కెన్యా, లెసోతో, లైబీరియా, లిబియా, మడగాస్కర్, మలావి, మాలి, మౌరిటానియా, మారిషస్, మొరాకో, మొజాంబిక్, నమీబియా, నైజర్, రువాండా, సావో టోమ్ మరియు ప్రిన్సిపే, సెనెగల్, సీషెల్స్, సియెర్రా లియోన్, సోమాలియా, దక్షిణాఫ్రికా, దక్షిణ సూడాన్, సూడాన్, టాంజానియా, టోగో, ట్యునీషియా, ఉగాండా, జాంబియా, జింబాబ్వే.