Python learning apps : రూ. లక్షల్లో జీతం ఇచ్చే టెక్​ జాబ్​ కావాలా? ఇలా ‘పైథాన్’​ నేర్చుకోండి!-want a techie job with high pay check these best programming language python apps ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Python Learning Apps : రూ. లక్షల్లో జీతం ఇచ్చే టెక్​ జాబ్​ కావాలా? ఇలా ‘పైథాన్’​ నేర్చుకోండి!

Python learning apps : రూ. లక్షల్లో జీతం ఇచ్చే టెక్​ జాబ్​ కావాలా? ఇలా ‘పైథాన్’​ నేర్చుకోండి!

Sharath Chitturi HT Telugu
Jul 10, 2023 07:23 PM IST

Python learning apps : పైథాన్​ నేర్చుకుని మంచి జాబ్​ కొట్టాలని చూస్తున్నారా? అయితే ఈ యాప్స్​ గురించి మీరు తెలుసుకోవాల్సిందే. వీటితో పైథాన్​ నేర్చుకోవడం చాలా సులభమైపోతుంది!

రూ. లక్షల్లో జీతం ఇచ్చే టెక్​ జాబ్​ కావాలా?
రూ. లక్షల్లో జీతం ఇచ్చే టెక్​ జాబ్​ కావాలా?

Python learning apps : ఐటీ జాబ్​ అనేది ఎవర్​గ్రీన్​ ఉద్యోగం అని చాలా మంది భావిస్తుంటారు. ఈ రంగంలో జీతాలు ఎక్కువగా వస్తాయని, అందుకే ఎలాగైనా జాబ్​ సంపాదించాలని కలలు కంటుంటారు. చాలా తీవ్రంగా కృషిచేస్తుంటారు. వీరిలో మీరు కూడా ఉన్నారా? భారీ వేతనంతో ఐటీ జాబ్​ సంపాదించాలని చూస్తున్నారా? అయితే ఇది మీకోసమే! కంప్యూటర్​ ప్రోగ్రామింగ్​లో పైథాన్​కు మంచి డిమాండ్​ ఉంది. వెబ్​ డెవలప్​మెంట్​ నుంచి సాఫ్ట్​వేర్​ క్రియేషన్​ వరకు, టాస్క్​ ఆటోమేషన్​ నుంచి డేటా ఎనలటిక్స్​ వరకు అన్నింట్లోనూ పైథాన్​ను ఉపయోగిస్తుంటారు. అందుకే చాలా కంపెనీలు ఉద్యోగాల ఎంపికలో పైథాన్​ సర్టిఫికేషన్​ని కూడా చూస్తుంటాయి. ఈ నేపథ్యంలో పైథాన్​ను నేర్చుకునేందుకు ఉపయోగపడే కొన్ని యాప్స్​ గురించి ఇక్కడ తెలుసుకుందాము..

పైథాన్​తో ఉపయోగాలివే..

స్టాక్​ ఓవర్​ఫ్లో డెవలపర్​ సర్వే ప్రకారం.. డిమాండ్​ ఉన్న మూడో ప్రోగ్రామింగ్​ లాంగ్యువేజ్​గా పైథాన్​ నిలిచింది. ఈ ప్రోగ్రామ్​ సులభంగా ఉండటంతో చాలా మంది దీనిని ఉపయోగించుకునేందుకు ఆసక్తి చూపిస్తున్నారు.

  • మెషిన్​ లర్నింగ్​, ఆర్టిఫీషియల్​ ఇంటెలిజెన్స్​ ప్రాజెక్ట్స్​లో పైథాన్​ను వాడుకోవచ్చు. స్కైపై, పాండాస్​ వంటి పైథాన్​ లైబ్రరీలు చాలా ఉపయోగకరంగా ఉన్నాయి.
  • How to learn Python : డేటా ఎనలిటిక్స్​లోని క్లిష్టమైన లెక్కలను పైథాన్​ ద్వారా సులభతరం చేసుకోవచ్చు. డేటా విజ్యువలైజేషన్​ సాధ్యమవుతుంది. మెషిన్​ లర్నింగ్​ ఆల్గొరిథమ్​లు వంటివి కూడా చేసుకోవచ్చు.
  • ఆటోమేషన్​లో కూడా పైథాన్​ని వాడుకోవచ్చు. అంతేకాకుండా బగ్​ ట్రాకింగ్​, బిల్డింగ్​ కంట్రోల్​, సాఫ్ట్​వేర్​ డెవలప్​మెంట్​ టెస్టింగ్​లోనూ పైథాన్​ ప్రోగ్రామ్​ను వినియోగించుకోవచ్చు.

ఇక ఇప్పుడు పైథాన్​ను సులభంగా నేర్చుకునేందుకు అందుబాటులో ఉన్న కొన్ని యాప్స్​ వివరాలను ఇక్కడ తెలుసుకుందాము..

మిమో:- పైథాన్​ గురించి లోతైన జ్ఞనాన్ని ఇస్తుంది ఈ మిమో యాప్​. పైథాన్​లోని చాలా టాపిక్స్​ని ఇది కవర్​ చేస్తుంది. రియల్​ టైమ్​ ప్రాజెక్టులపై పని చేసి గోల్స్​ని పూర్తి చేసుకుని, ఎక్స్​పీరియన్స్​ని కూడా పొందవచ్చు. ఈ యాప్​ ద్వారా యూజర్లు వెబ్​ డెవలప్​మెంట్​ను కూడా చేసుకోవచ్చు.

ప్రోగ్రామింగ్​ హీరో:- పైథాన్​ లర్నింగ్​ని ఆసక్తికరంగా మారుస్తుంది ఈ యాప్​. గేమ్స్​ ఆడుకుంటూ.. ప్రోగ్రామింగ్​ నేర్చేసుకోవచ్చు! పిల్లలకు ఇది చాలా బాగా ఉపయోగపడుతుంది. యాప్​ డెవలప్​మెంట్​, వెబ్​సైట్​ డెవలప్​మెంట్​కు సంబంధించిన వీడియోలు​ కూడా ఉంటాయి.

Python apps for beginners : ప్రోగ్రామింగ్​ హబ్​:- పైథాన్​ను నేర్చుకోవడం మొదలుపెట్టిన వారికి ఈ యాప్​ చాలా బాగా ఉపయోగపడుతుంది. టాపిక్స్​ను మెరుగ్గా, వేగంగా అర్థం చేసుకోవచ్చు.

సోలోలర్న్​:- ఈ యాప్​తో కోడింగ్​ను సులభంగా నేర్చుకోవచ్చు. పైథాన్​లోని టాపిక్స్​ను అర్థం చేసుకునేందుకు అనేక పజిల్స్​ ఉంటాయి. అంతేకాకుండా టుటోరియల్స్​ కూడా చాలా ఉంటాయి. వీటి ద్వారా పైథాన్​ను ఈజీగా అర్థం చేసుకోవచ్చు.

టీ20 వరల్డ్ కప్ 2024

సంబంధిత కథనం