Shanghai Disneyland : కొవిడ్​ భయంతో డిస్నీల్యాండ్​ మూసివేత.. సందర్శకులంతా లోపలే!-visitors locked inside shanghai disneyland again on covid case ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Shanghai Disneyland : కొవిడ్​ భయంతో డిస్నీల్యాండ్​ మూసివేత.. సందర్శకులంతా లోపలే!

Shanghai Disneyland : కొవిడ్​ భయంతో డిస్నీల్యాండ్​ మూసివేత.. సందర్శకులంతా లోపలే!

Chitturi Eswara Karthikeya Sharath HT Telugu
Oct 31, 2022 10:20 PM IST

Visitors Locked Inside Shanghai Disneyland : కొవిడ్​ కలకలంతో చైనా షాంఘై డిస్నీల్యాండ్​ను సోమవారం మూసివేశారు. లోపల అనేకమంది సందర్శకులు చిక్కుకున్నట్టు తెలుస్తోంది. కొవిడ పరీక్షలు నిర్వహించిన తర్వాతే వారిని విడిచిపెడతారని సమాచారం.

షాంఘై డిస్నీల్యాండ్​​
షాంఘై డిస్నీల్యాండ్​​ (REUTERS/file)

Visitors Locked Inside Shanghai Disneyland : చైనా జీరో కొవిడ్​ పాలసీ గురించి ప్రత్యేకంగా చెప్పుకోవాల్సిన పనిలేదు. ఈ పాలసీతో సొంత ప్రజలు అల్లాడిపోతున్నా కూడా చైనా పట్టించుకోవడం లేదు. తాజాగా ఇందుకు మరో ఉదాహరణ బయటకొచ్చింది. ఒక్క కేసు వెలుగులోకి వచ్చిందన్న కారణంగా.. షాంఘైలోని డిస్నీల్యాండ్​ను పూర్తిగా మూసివేశారు. ఫలితంగా లోపల వందలాది మంది సందర్శకులు చిక్కుకున్నారు. వీరిని అక్కడి సిబ్బంది బయటకు పంపించడంలేదు!

ఏం జరిగిందంటే..

ఈ నెల 27న.. షాంఘైలోని డిస్నీల్యాండ్​కు వెళ్లిన ఓ మహిళకు కొవిడ్​ సోకినట్టు తేలింది. సోమవారం ఈ వార్త బయటకు రావడంతో.. ఉన్నపళంగా డిస్నీల్యాండ్​ను మూసేశారు. లోపల ఉన్న వారిని బయటకు పంపలేదు. త్వరలో కొవిడ్​ టెస్టులు చేస్తామని, అందులో నెగిటివ్​ వచ్చిన వారు మాత్రమే బయటకు వెళ్లాలని సిబ్బంది తేల్చిచెప్పింది.

Shanghai Disneyland lockdown : ఇక ఈ నెల 27న డిస్నీల్యాండ్​ను సందర్శించిన వారందరు కూడా పరీక్షలు చేయించుకోవాలని, నెగిటివ్​ వచ్చినప్పటికీ ఇతరులకు కనీసం రెండు, మూడు రోజుల దూరంగా ఉండాలని షాంఘై అధికారులు ఆదేశాలు జారీ చేశారు.

కొవిడ్​ వేవ్​లు, కఠిన నిబంధనల నేపథ్యంలో ఈ ఏడాది చైనా ప్రజలు ఉక్కిరిబిక్కిరి అయ్యారు. అంతా సాఫీగా సాగిపోతోంది అనుకున్న సమయంలో ఆదివారం.. దేశవ్యాప్తంగా మళ్లీ భారీగా కొవిడ్​ కేసులు వెలుగులోకి వచ్చాయి. ఆగస్టు 10 తర్వాత ఈ స్థాయిలో కేసులు నమోదవ్వడం ఇదే తొలిసారి. ఇక రంగంలోకి దిగిన అధికారులు.. మరోమారు కఠిన చర్యల అమలు చేసేందుకు సిద్ధపడుతున్నారు. ఈ నేపథ్యంలో షాంఘై డిస్నీల్యాండ్​ వ్యవహారం వార్తలకెక్కింది.

ఇది రెండోసారి..

Shanghai Disneyland news : కొవిడ్​ కలకలంతో షాంఘైలోని డిస్నీల్యాండ్​ మూతపడటం ఇది రెండోసారి. గతేడాది కూడా.. ఒకరికి పాజిటివ్​ తేలిందన్న కారణంగా మొత్తం డిస్నీల్యాండ్​నే మూసివేశారు. లోపల దాదాపు 34వేల మంది ఉండిపోయారు! వారందరికి పరీక్షలు చేసిన తర్వాతే సిబ్బంది బయటకు పంపారు. నెగిటివ్​ వచ్చినా కూడా.. రెండు రోజుల పాటు అందరికి దూరంగా ఉండాలని ఆదేశించారు.

China covid cases : ఈ ఘటన జరిగిన తర్వాత కొన్ని నెలలకు షాంఘైలో విపరీతంగా కేసులు పెరిగాయి. కొవిడ్​ కొత్త వేవ్​తో నగరం అల్లాడిపోయింది. ఈ పరిస్థితుల నుంచి కోలుకుని 101 రోజుల తర్వాత డిస్నీల్యాండ్​ను తిరిగి తెరిచారు. మళ్లీ ఇప్పుడు ఇలా జరగడంతో ఈసారి ఎన్ని రోజుల పాటు మూసివేస్తారు? అన్న ప్రశ్నలు ఉత్పన్నమవుతున్నాయి.

తాజా పరిణామాలపై షాంఘై డిస్నీల్యాండ్​ ఇంకా ఎలాంటి అధికారిక ప్రకటన చేయలేదు.

టీ20 వరల్డ్ కప్ 2024

సంబంధిత కథనం