‘యూపీఎస్సీ పరీక్ష కన్నా టఫ్’- విశాల్ మెగా మార్ట్ సెక్యూరిటీ గార్డు జాబ్పై మీమ్స్ వైరల్!
విశాల్ మెగా మార్ట్ సెక్యూరిటీ గార్డు అన్నది ఇప్పుడు సోషల్ మీడియాలో వైరల్గా మారింది. ‘ఇక్కడ పనిచేయడం నా కల’ అంటూ మీమ్స్ వెల్లువెత్తుతున్నాయి. దీనికి ఒక కారణం ఉంది. అసలేం జరిగిందంటే..
రిటైల్ చెయిన్ విశాల్ మెగా మార్ట్ గత కొన్ని గంటలుగా సోషల్ మీడియాలో హాట్ టాపిక్గా మారింది! ‘విశాల్ మెగా మార్ట్లో సెక్యూరిటీ గార్డుగా ఉద్యోగం చేయడం ఒక్కటే నా కల’, ‘విశాల్ మెగా మార్ట్ సెక్యూరిటీ గార్డు పోస్టుకు పరీక్ష.. యూపీఎస్సీ కన్నా టఫ్,’ అంటూ నెటిజన్లు సోషల్ మీడియాలో రచ్చరచ్చ చేస్తున్నారు. ఇందుకు ఒక కారణం కూడా ఉంది! అసలు విషయం ఏంటంటే..
విశాల్ మెగా మార్ట్ సెక్యూరిటీ గార్డు ఉద్యోగం..
విశాల్ మెగా మార్ట్ యూజమాన్యం ఇటీవలో తమ ఔట్లెట్స్లో సెక్యూరిటీ గార్డు పోస్టుల భర్తీకి పరీక్ష నిర్వహించింది. ఒక ఇన్స్టాగ్రామ్ పోస్టు ప్రకారం.. ఈ పరీక్షలో కరెంట్ అఫైర్స్, ఇంగ్లీష్, స్థానిక భాషపై ప్రశ్నలు అడిగారు. ఎంపిక ప్రక్రియలో భాగంగా మెడికల్ టెస్ట్, ఫిజికల్ ఫిట్నెస్ అసెస్మెంట్ కూడా చేశారు.
సెక్యూరిటీ, షూటింగ్ ట్రైనింగ్ లేదా మార్షల్ ఆర్ట్స్లో ఎక్స్పీరియెన్స్ ఉన్న అభ్యర్థులకు ప్రాధాన్యత ఇచ్చారు. పరీక్ష రాసేవారిలో మొదటి ఒక్క శాతం మంది మాత్రమే ఉత్తీర్ణత సాధించారని ఆ వైరల్ పోస్ట్ పేర్కొంది.
ఈ పోస్టు కొన్ని గంటల్లోనే సోషల్ మీడియాలో వైరల్గా మారింది. అప్పటి నుంచి విశాల్ మెగా మార్ట్ సెక్యూరిటీ గార్డు ఉద్యోగం అన్నది హాట్టాపిక్గా మారింది.
ఉద్యోగ ఎంపిక ప్రక్రియను దేశంలోనే అత్యంత క్లిష్టమైన పరీక్షల్లో ఒకటిగా పేరొందిన యూపీఎస్సీ కన్నా విశాల మెగా మార్ట్ సెక్యూరిటీ గార్డు టెస్ట్ చాలా కఠినమైనదని పలువురు సెటైర్లు వేస్తున్నారు.
‘యాపిల్ సీఈఓ వద్దు, అమెరికా ప్రెసిడెంట్ జాబ్ వద్దు.. విశాల్ మెగా మార్ట్లో సెక్యూరిటీ గార్డు జాబ్ బెస్ట్,’ అని నెటిజన్లు పోస్టులు పెడుతున్నారు.
మరి, సరదా అక్కడితో ఆగదు. కొన్ని మీమ్స్ లో విశాల్ మెగా మార్ట్ సెక్యూరిటీ గార్డు ఉద్యోగం పొందడం కష్టంగా ఉందని కూడా చూపించారు.
'ఒక్కటే కల- విశాల్ మెగా మార్ట్ సెక్యూరిటీ గార్డు ఉద్యోగం'
మీమ్స్, జోక్స్ అక్కడితో ఆగలేదు! విశాల్ మెగా మార్ట్ సెక్యూరిటీ గార్డు ఉద్యోగానికి సంబంధించిన వార్తలు వ్యాపించడంతో ఇంటర్నెట్ తన పని తాను చేసుకుపోయింది. పరిస్థితిపై సరదా మీమ్స్ తయారు చేసింది.
"ఏక్ హీ సప్నా (ఒకటే కల) - విశాల్ మెగా మార్ట్ సెక్యూరిటీ గార్డు", "విశాల్ మెగా మార్ట్ సెక్యూరిటీ గార్డు పరీక్ష మొదటి ప్రయత్నం విఫలమైంది," అంటూ ఇంకొకరు కామెంట్ చేశారు.
ఈ పూర్తి టాపిక్పై మీ ఒపీనియన్ ఏంటి మరి?
సంబంధిత కథనం