Noida viral video : జాకెట్​ ‘ఎక్స్​ఛేంజ్’​కు ఒప్పుకోలేదని.. దుకాణదారుడిపై దాడి!-viral video show shopkeeper in noida beaten up for refusing to replace jacket ,జాతీయ - అంతర్జాతీయ న్యూస్
తెలుగు న్యూస్  /  National International  /  Viral Video Show Shopkeeper In Noida Beaten Up For Refusing To Replace Jacket

Noida viral video : జాకెట్​ ‘ఎక్స్​ఛేంజ్’​కు ఒప్పుకోలేదని.. దుకాణదారుడిపై దాడి!

Chitturi Eswara Karthikeya Sharath HT Telugu
Jan 15, 2023 07:29 AM IST

Noida crime news : కొన్న వస్తువు ఎక్స్​ఛేంజ్​కు ఒప్పుకోలేదన్న కారణంతో దుకాణదారుడిపై ఇద్దరు దాడి చేసిన ఘటన నోయిడాలో చోటుచేసుకుంది. ఈ దృశ్యాలు సామాజిక మాధ్యమాల్లో వైరల్​గా మారాయి.

 జాకెట్​ ఎక్స్​ఛేంజ్​కు ఒప్పుకోలేదని.. దుకాణదారుడిపై దాడి!
జాకెట్​ ఎక్స్​ఛేంజ్​కు ఒప్పుకోలేదని.. దుకాణదారుడిపై దాడి!

Noida crime news : నోయిడాలో షాకింగ్​ ఘటన వెలుగులోకి వచ్చింది. జాకెట్​ ఎక్స్​ఛేంజ్​కు ఒప్పుకోలేదన్న కారణంతో.. ఓ దుకాణదారుడిపై కర్రతో దాడి చేశారు ఇద్దరు వ్యక్తులు. ఇందుకు సంబంధించిన దృశ్యాలు సామాజిక మాధ్యమాల్లో వైరల్​గా మారాయి.

ట్రెండింగ్ వార్తలు

అసలేం జరిగిందంటే..

ఓ మహిళ.. నోయిడా మార్కెట్​లోని ఓ దుకాణం నుంచి కొన్ని రోజుల క్రింత ఓ జాకెట్​ కొనుగోలు చేసింది. దానిని రిటర్న్​ ఇచ్చేందుకు గురువారం ఆ దుకాణానికి వెళ్లింది. ఎక్స్​ఛేంజ్​ చేసేందుకు దుకాణదారుడు అంగీకరించలేదు. వెంటనే ఆ మహిళ.. ఆమె భర్తకు ఫోన్​ చేసి జరిగిన విషయం చెప్పింది.

Attack on Noida shopkeeper : మహిళ భర్త.. మరో వ్యక్తితో పాటు దుకాణం వద్దకు వచ్చాడు. ఇద్దరు కలిసి రెండు కర్రలతో దుకాణ యజమానిని కొట్టడం మొదలుపెట్టారు. ఈ దృశ్యాలు స్థానిక సీసీటీవీ కెమెరాకు చిక్కాయి.

తొలుత.. దుకాణ యజమాని కస్టమర్లతో మాట్లాడుతున్నట్టు ఆ వీడియోలో కనిపిస్తోంది. సడెన్​గా ఓ వ్యక్తి అతనిపై కర్రతో దాడి చేశాడు! ఇతను ప్రతిఘటించినా ఫలితం దక్కలేదు. కర్రతో బలంగా కొట్టడం మొదలుపెట్టారు. ఓ సందర్భంలో కర్ర కూడా విరిగిపోయింది! ఈ పరిణామాలతో కస్టమర్లు షాక్​కు గురయ్యారు.

Noida crime news : మరో వ్యక్తి కూడా దుకాణదారుడిని కొట్టడం మొదలుపెట్టాడు. కొద్దిసేపటికి.. మరో వ్యక్తి వచ్చి.. దాడి చేస్తున్న ఇద్దరిని అడ్డుకుని నచ్చజెప్పినట్టు వీడియోలో కనిపిస్తోంది.

ఘటనపై సమాచారం అందుకున్న పోలీసులు.. నిందితులపై కేసు నమోదు చేసుకున్నారు. నిందితుల్లో ఒకరిని అరెస్ట్​ చేశారు. మరొకరిని పట్టుకునే పనిలో ఉన్నారు. మరోవైపు బాధితుడికి తీవ్ర గాయాలైనట్టు తెలుస్తోంది. అతడిని ఆసుపత్రికి తరలించారు.

"బాధితుడు ఆసుపత్రిలో చికిత్స పొందుతున్నాడు. సీసీటీవీ ఫుటేజ్​ను పరిశీలించాము. మెడికల్​ రిపోర్టు, సీసీటీవీ ఫుటేజ్​లను సాక్షాలుగా పనికొస్తాయి. ఒక నిందితుడిని అరెస్ట్​ చేశాము," అని నోయిడా ఏడీసీపీ ఆషుతోష్​ ద్వివేది వెల్లడించారు.

సామాజిక మాధ్యమాల్లో వైరల్​గా మారిన దృశ్యాలను ఇక్కడ చూడండి :

WhatsApp channel

సంబంధిత కథనం