Viral | మృత్యువు అంచు వరకు వెళ్లిన బాలుడు.. ఒళ్లుగగుర్పొడిచే దృశ్యాలు..!
ఓ బాలుడు తృటిలో మృత్యువు నుంచి బయటపడ్డాడు. ఆ వీడియో ప్రస్తుతం సామాజిక మాధ్యమాల్లో వైరల్గా మారింది.
Boy saved from bus accident | రాసిపెట్టి ఉంటే.. చిన్న సూది గుచ్చుకున్నా మరణిస్తారు.. అదృష్టం ఉంటే ఎంతటి దారుణం జరిగినా బతికి బయటపడతారు. ఓ 9ఏళ్ల బాలుడి పరిస్థితిని చూస్తే ఇదే అనిపిస్తుంది! సైకిల్ మీద వెళ్లిన ఓ బాలుడు.. దాదాపు బస్సు కింద పడినంత పనైంది. చివరికి సురక్షితంగా బయటపడ్డాడు.
ట్రెండింగ్ వార్తలు
కేరళ కన్నూర్లోని తలిపరంబ ప్రాంతంలో ఆదివారం సాయంత్రం జరిగిన ఈ ఘటన ఆలస్యంగా వెలుగులోకి వచ్చింది. ఓ బాలుడు.. సైకిల్ మీద కాస్త వేగంగా రోడ్డు మీదక వెళ్లాడు. అటుగా వెళుతున్న బైక్ అతడిని ఢీకొట్టింది. దీంతో బాలుడు సైకిల్పై పట్టు కోల్పోయాడు. గాలిలో ఒక్కసారిగా ఎగిరాడు. అదే సమయానికి ఓ బస్సు అక్కడి నుంచి వేగంగా దూసుకెళ్లింది. బాలుడు సైకిల్ మీద నుంచి కిందపడిపోయాడు. బస్సు కింద సైకిల్ చితికిపోయింది. బాలుడు మాత్రం అదృష్టవశాత్తు బస్సు టైర్లకు కొంచెం దూరంలో పడ్డాడు. ఒళ్లుగగుర్పొడిచే ఈ దృశ్యాలు.. స్థానికి సీసీటీవీ కెమెరాకు చిక్కాయి. అంతా క్షణాల్లోనే జరిగిపోయింది.
ఈ వీడియో ప్రస్తుతం సామాజిక మాధ్యమాల్లో వైరల్గా మారింది. 'బాలుడు చాలా లక్కీ. ఈరోజు గొప్ప పాఠం నేర్చుకుని ఉంటాడు,' అని ఓ నెటిజన్ కామెంట్ చేశాడు. మరికొందరు.. బాలుడు బతికి బయటపడటంతో దేవుడికి ధన్యవాదాలు చెబుతున్నారు.
ఇక్కడ వేగంగా వెళ్లడం బాలుడి తప్పు. ముందూవెనకా చూసుకోకుండా బైక్ నడిపిన వ్యక్తి తప్పు కూడా ఉంది. ఇక చివర్లో.. వేగంగా దూసుకొచ్చిన బస్సు డ్రైవర్ తప్పు ఉంది. ఏం జరగలేదు కాబట్టి సరిపోయింది! లేకపోతే..? అందుకే ట్రాఫిక్ నియమాలను పాటించి, వేగాన్ని నియంత్రించుకుంటే అందరికి మంచి జరుగుతుందన్న విషయాన్ని కచ్చితంగా గుర్తుపెట్టుకోవాలి.
వైరల్ వీడియోను ఇక్కడ చూడండి:
సంబంధిత కథనం
టాపిక్