Telugu News  /  National International  /  Video Shows Ex Intelligence Officer Hit By Car With No Number In Karnataka
మాజీ ఐబీ అధికారిపైకి కారు ఎక్కించి హత్య..!
మాజీ ఐబీ అధికారిపైకి కారు ఎక్కించి హత్య..!

Ex Intelligence officer murdered : మాజీ ఐబీ అధికారిపైకి కారు ఎక్కించి హత్య..!

06 November 2022, 15:28 ISTChitturi Eswara Karthikeya Sharath
06 November 2022, 15:28 IST

Ex Intelligence officer murdered : కర్ణాటకలో మాజీ ఐబీ అధికారి ఆర్​కే కులకర్ని దారుణ హత్యకు గురయ్యారు! ఓ కారు ఆయనపైకి దూసుకెళ్లింది. తొలుత ఇది హిట్​ అండ్​ రన్​ కేసుగా భావించారు పోలీసులు. కానీ సీసీటీవీ ఫుటేజీ చూసిన తర్వాత.. పక్కా ప్రణాళికతో హత్య చేశారని తేలింది.

Ex Intelligence officer murdered : కర్ణాటక మైసూరులో దారుణ ఘటన వెలుగులోకి వచ్చింది. ఓ మాజీ నిఘా అధికారిపైకి కారు ఎక్కించి హత్య చేశాడు ఓ దుండగుడు. ఈ వార్త రాష్ట్రవ్యాప్తంగా కలకలం సృష్టించింది.

ట్రెండింగ్ వార్తలు

షాకింగ్​ దృశ్యాలు..

ఇంటెలిజెన్స్​ బ్యూరో మాజీ అధికారి ఆర్​కే కులకర్ని.. మైసూరు వర్సిటీకి చెందిన మానసగంగోత్రి క్యాంపస్​లో శుక్రవారం సాయంత్రం వాకింగ్​కి వెళ్లారు. కొద్దిసేపటికి ఓ కారు ఆయన్ని ఢీకొట్టింది. ఈ ఘటనలో కులకర్ని ప్రాణాలు కోల్పోయారు.

తొలుత ఈ ఘటనను హిట్​ అండ్​ రన్​ కేసుగా భావించారు పోలీసులు. కానీ దర్యాప్తులో భాగంగా షాకింగ్​ నిజాలు బయటకొచ్చాయి.

దర్యాప్తు కోసం స్థానిక సీసీటీవీ ఫుటేజీలను పరిశీలించారు. ఓ కారు కులకర్నిని ఢీకొట్టిన దృశ్యాలు సీసీటీవీ కెమెరాలో రికార్డు అయ్యాయి. ఈ దృశ్యాలు చూస్తే.. ఆ కారు కావాలనే మాజీ ఐబీ అధికారిని ఢీకొట్టినట్టు స్పష్టంగా తెలుస్తోంది.

Ex Intelligence officer murdered in Karnataka : కులకర్ని.. రోడ్డు పక్కకు నడుస్తుండటం, రోడ్డు మీద వెళుతున్న ఆ కారు, ఒక్కసారిగా ఆయనపైకి దూసుకెళ్లడం ఆ దృశ్యాల్లో కనిపిస్తోంది. ఆ వెంటనే ఆ కారు ఘటనాస్థలం నుంచి వెళ్లిపోయింది. ఆ కారుకు నెంబర్​ ప్లేట్​ కూడా లేకపోవడం గమనార్హం.

పక్కా ప్లాన్​తో..!

"ఆ రోడ్డు చాలా చిన్నగా ఉంటుంది. సాధారణంగా కార్లు ఈ ప్రాంతంలో వెళ్లవు. నిందితుడు.. కులకర్నిని ఫాలో చేసినట్టు కనిపిస్తోంది. ఇది పక్కా ప్లాన్​తో​ చేసిన మర్డర్​ అని మేము అనుకుంటున్నాము," అని ఓ పోలీస్​ అధికారి చెప్పారు.

కులకర్నిని ఎవరు హత్య చేశారు? అసలు ఆయన్ని ఎందుకు చంపారు? అన్న విషయాలపై ప్రస్తుతానికి స్పష్టత లేదు.

Ex IB officer RK Kulkarni : ఘటనపై దర్యాప్తు చేపట్టిన పోలీసులు.. నిందితుడిని పట్టుకునేందుకు ముమ్మర చర్యలు చేపట్టారు. రంగంలోకి దిగిన మూడు బృందాలు.. నిందితుడి కోసం గాలింపు చర్యలు చేపట్టాయి.

ఇంటెలిజెన్స్​ బ్యూరోలో మూడు దశాబ్దాల పాటు పని చేసిన కులకర్ని.. 23ఏళ్ల క్రితం రిటైర్​ అయ్యారు.