US tourist visa : అమెరికాలో ‘టూరిస్ట్​ వీసాల’పై ఉద్యోగాలు చేసుకోవచ్చు!

US tourist visa jobs : బిజినెస్​, టూరిస్ట్​ వీసాల మీద అమెరికా వెళుతున్న వారికి గుడ్​ న్యూస్​! సంబంధిత వీసాలతో అమెరికాలో ఉద్యోగాలకు అప్లై చేసుకుని, ఇంటర్వ్యూలకు హాజరయ్యే విధంగా వెసులుబాటును కల్పించింది అక్కడి ప్రభుత్వం. ఉద్యోగాల్లో చేరిన తర్వాత.. వీసాదారులు తమ వీసా స్టేటస్​ను మార్చుకోవాలని సూచించింది. బీ-1, బీ-2తో పాటు వివిధ తాత్కాలిక వీసాలకు ఈ వెసులుబాటును కల్పిస్తున్నట్టు స్పష్టం చేసింది.

'ఉద్యోగాలు చేసుకోవచ్చు..'

"బీ-1, బీ-2 స్టేటస్​పై కొత్త ఉద్యోగాలు వెతుక్కోవచ్చా? అని చాలా మంది అడుగుతున్నారు. వెతుక్కోవచ్చు అన్నదే మా సమాధానం. ఉద్యోగాల ఇంటర్వ్యూలకు కూడా హాజరవ్వచ్చు," అని యూఎస్​ సిటిజెన్​షిప్​ అండ్​ ఇమ్మిగ్రేషన్​ సర్వీసెస్​ (యూఎస్​సీఐఎస్​) ట్వీట్​ చేసింది.

US visa news : మరోవైపు.. నాన్​ఇమ్మిగ్రెంట్​ వర్కర్​లు.. ఉద్యోగాలు కోల్పోతే 60 రోజుల్లోపు దేశాన్ని విడిచిపెట్టి వెళ్లిపోవాలని అమెరికాలోని నిబంధనలు సూచిస్తున్నట్టు చెబుతుంటారు. అయితే.. ఉద్యోగం కోల్పోతే, దేశాన్ని విడిచి వెళ్లిపోవడమే సంబంధిత వ్యక్తుల ముందు ఉన్న ఏకైక ఆప్షన్​ కాదని యూఎస్​సీఐఎస్​ పేర్కొంది.

• ఉద్యోగం కోల్పోయిన వారు తమ నాన్​ఇమ్మిగ్రేషన్​ స్టేటస్​ను మార్చుకునేందుకు అప్లికేషన్​ వేయవచ్చు.
• స్టేటస్​ను అడ్జెస్ట్​ చేసుకునేందుకు అప్లికేషన్​ వేయవచ్చు.
• 'కంపెల్లింగ్​ సర్కమ్​స్టాన్సెస్​ (ప్రతికూల పరిస్థితులు) అథారైజేషన్​ డాక్యుమెంట్స్​' కోసం అప్లై చేసుకోవచ్చు.

Jobs in US on tourist visa : అయితే.. వీటిల్లో ఒకదానిని 60 రోజుల గడువులోపే దరఖాస్తు చేసుకోవాల్సి ఉంటుంది. లేకపోతే.. సంబంధిత వ్యక్తితో పాటు వారిపై ఆధారపడి జీవిస్తున్న వారు అమెరికాను విడిచిపెట్టి వెళ్లిపోవాల్సి ఉంటుంది.

వీసా స్టేటస్​ మార్చుకోవాలి.. లేకపోతే!

ఇక బీ-1, బీ-2 వీసాలపై ఉద్యోగాలు వెతుక్కుని, జాబ్​లో చేరే ముందు.. సంబంధిత వ్యక్తులు తమ వీసా స్టేటస్​ను కచ్చితంగా మార్చుకోవాల్సి ఉంటుంది. ఉద్యోగం చేరడానికి ముందే.. ఈ వీసా స్టేస్​ మారిపోయి ఉండాలి. ఒక వేళ వీసా స్టేటస్​ మార్చేందుకు అధికారులు అంగీకరించకపోతే.. సంబంధిత వ్యక్తులు అమెరికాను విడిచిపెట్టి వెళ్లిపోవాల్సి ఉంటుంది.