Road accident : ఘోర రోడ్డు ప్రమాదం.. కారును ఢీకొట్టిన బస్సు- మంటల్లో ఐదుగురు సజీవ దహనం!-up road accident news bus with 40 collides with car on yamuna expressway in mathura 5 dead ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Road Accident : ఘోర రోడ్డు ప్రమాదం.. కారును ఢీకొట్టిన బస్సు- మంటల్లో ఐదుగురు సజీవ దహనం!

Road accident : ఘోర రోడ్డు ప్రమాదం.. కారును ఢీకొట్టిన బస్సు- మంటల్లో ఐదుగురు సజీవ దహనం!

Sharath Chitturi HT Telugu
Feb 12, 2024 11:53 AM IST

Uttar Pradesh road accident today : యూపీలో సోమవారం ఉదయం ఘోర రోడ్డు ప్రమాదం జరిగింది. ఓ బస్సు- ఓ కారును ఢీకొట్టింది. ఈ ఘటనలో ఐదుగురు.. అగ్నికి ఆహుతైపోయారు!

బస్సు- కారు ఢీ.. మంటల్లో ఐదుగురు సజీవ దహనం!
బస్సు- కారు ఢీ.. మంటల్లో ఐదుగురు సజీవ దహనం! (Representative image)

Uttar Pradesh road accident death toll : ఉత్తర్​ ప్రదేశ్​లో ఘోర రోడ్డు ప్రమాదం జరిగింది. మహావన్​ ప్రాంతంలోని యమునా ఎక్స్​ప్రెస్​వే మీద ఓ బస్సు.. ఓ కారును ఢీకొట్టింది. ఆ వెంటనే రెండు వాహనాల్లోనూ మంటలు చెలరేగాయి. ఈ ఘటనలో.. మంటల్లో చిక్కుకుపోయిన ఐదుగురు సజీవ దహనం అయ్యారు. ఇంకొందరికి స్వల్పంగా గాయాలయ్యాయి.

ఇదీ జరిగింది..

మథురాలోని మహావన్​ ప్రాంతంలో ఉన్న యమునా ఎక్స్​ప్రెస్​వేపై సోమవారం ఉదయం జరిగింది ఈ ఘటన. 40 ప్రయాణికులతో కూడిన ఓ బస్సు బిహార్​ నుంచి దిల్లీకి వెళుతుండగా.. ఈ ప్రమాదం చోటుచేసుకుంది. తొలుత.. ఆ బస్సు డివైడర్​ని తాకిందని, అనంతరం ఓ కారును ఢీకొట్టిందని సమచారం. ఆ సమయంలో.. కారులో ఐదుగురు ఉన్నారు.

Yamuna Expressway road accident today : బస్సు.. కారును ఢీకొట్టిన వెంటనే.. రెండు వాహనాల్లోనూ మంటలు చెలరేగాయి. కాగా.. బస్సులోని ప్రయాణికులందరు సురక్షితంగా బయటపడ్డారు. కానీ కారులో ఉన్న ఐదుగురు.. సమయానికి బయటకు రాలేకపోయారు. ఫలితంగా.. వారందరు అగ్నికి ఆహుతైపోయారు.

"కిషన్​పూర్​ గ్రామం వద్ద ఉన్న మైల్​స్టోన్​ 10 సమీపంలో యమునా ఎక్స్​ప్రెస్​ వేపై సోమవారం ఉదయం రోడ్డు ప్రమాదం జరిగింది. బస్సుపై డ్రైవర్​ కంట్రోల్​ కోల్పోయాడు. తొలుత డివైడర్​ని ఢీకొట్టాడు. అనంతరం కారుపైకి ఆ బస్సు దూసుకెళ్లింది. వెంటనే రెండు వాహనాల నుంచి మంటలు చెలరేగాయి. కారులో ఉన్న ఐదుగురు మరణించారు," అని పోలీసులు వెల్లడించారు.

Uttar Pradesh road accident today : అయితే.. అగ్నిమాపక సిబ్బంది, సమయానికి ఘటనాస్థలానికి చేరుకోలేదని ప్రత్యక్ష సాక్షులు వెల్లడించారు. ఘటన జరిగిన 30 నిమిషాల తర్వాత కూడా అగ్నిమాపక వాహనాలు కనిపించలేదని అన్నారు. ఆ తర్వాతే.. అగ్నిమాపక సిబ్బంది వచ్చారని, మంటలను అదుపుచేసేందుకు ప్రయత్నించారని వివరించారు.

యుమనా ఎక్స్​ప్రెస్​వేపై జరిగిన ఘోర రోడ్డు ప్రమాదంపై ఉత్తర్​ ప్రదేశ్​ ముఖ్యమంత్రి యోగి ఆదిత్యనాథ్​ దిగ్భ్రాంతి వ్యక్తం చేశారు. మృతుల ఆత్మకు శాంతి చేకూరాలని ప్రార్థిస్తున్నట్టు తెలిపారు. బాధితులకు మెరుగైన వసతి అందివ్వాలని అధికారులకు ఆదేశించినట్టు స్పష్టం చేశారు.

ఘటనపై దర్యాప్తు చేపట్టినట్టు అధికారులు వెల్లడించారు.

యమునా ఎక్స్​ప్రెస్​వే.. భయం-భయం!

Mathura road accident : రోడ్డు ప్రమాదాలతో ఇటీవలి కాలంలో వార్తల్లో నిలుస్తోంది యమునా ఎక్స్​ప్రెస్​వే. గత నెలలో, ఇదే ఎక్స్​ప్రెస్​వేపై రెండు బస్సులు పరస్పరం ఢీకొట్టుకున్నాయి. ఈ ఘటనలో ఎలాంటి ప్రాణ నష్టం జరగలేదు కానీ 40మంది గాయపడ్డారు.

ఈ యమునా ఎక్స్​ప్రెస్​వే.. దేశంలో 6వ అతిపెద్ద ఎక్స్​ప్రెస్​వే. ఆగ్రా నుంచి గ్రేటర్​ నోయిడా మధ్య ఉన్న 165.5 కి.మీల దూరాన్ని ఇది కవర్​ చేస్తుంది.

IPL_Entry_Point

సంబంధిత కథనం