Uber : 50కి.మీల కోసం రూ. 3వేలు- ‘ఉబెర్ రాక్స్.. కస్టమర్ షాక్స్!’
Uber charges in Mumbai : 50 కి.మీల ప్రయాణం కోసం మీ క్యాబ్ మీకు రూ. 3వేల ఛార్జ్ చేస్తే? ముంబైలో ఇదే జరిగింది!
Uber charges in Mumbai : ఉబెర్.. ఓలా.. వీటి గురించి ప్రత్యేకంగా చెప్పుకోవాల్సిన అవసరం లేదు. అదే విధంగా.. రద్దీ సమయాల్లో, వర్షం పడుతున్నప్పుడు.. ఈ క్యాబ్లు వసూలు చేసే రేట్ల గురించి కూడా కొత్తగా మాట్లాడుకోవాల్సిన అవసరం లేదు. కానీ ప్రతి ఒక్కరిని షాక్కు గురి చేసే ఘటన తాజాగా వెలుగులోకి వచ్చింది. 50.కిమీల ప్రయాణం కోసం ఉబెర్ రూ. 3వేలు ఛార్జ్ చేస్తోంది!
ట్రెండింగ్ వార్తలు
ముంబైలో జరిగింది ఓ ఘటన. ఉబెర్ క్యాబ్ ఛార్జీలకు సంబంధించిన స్క్రీన్ షాట్ను ఓ వ్యక్తి సామాజిక మాధ్యమాల్లో పోస్ట్ చేశాడు. వర్షం పడుతున్నప్పుడు.. ఇంటికి వెళ్లాలని క్యాబ్ బుక్ చేసేందుకు ప్రయత్నించాడు ముంబైవాసి శ్రవన్ కుమార్. ఆ రేట్లు చూసి షాక్ అయ్యాడు.
ఛార్జీలు.. ఉబెర్గో లో రూ. 3,041- ప్రీమియర్లో రూ. 4,081- ఎక్స్ఎల్లో రూ .5,159గా చూపించాయి. అది కూడా 50.కిమీల ప్రయాణం కోసం!
'నా ఇంటికి ఉబెర్ క్యాబ్లో వెళ్లడం కన్నా.. ముంబై- గోవా విమానం రేట్లు చాలా తక్కువ' అని శ్రవన్ కుమార్ ట్వీట్ చేశాడు.
ఈ ట్వీట్ వైరల్గా మారింది. చూసిన వారందరు షాక్కు గురవుతున్నారు.
ఓ నెటిజన్ అయితే.. ఏకంగా లెక్కలు వేసేశాడు. "డీజిల్-పెట్రోల్ ధరలు పెరిగాయా ఏంటి? 10కి.మీల మైలేజ్ వచ్చినా.. 50కిలోమీటర్లు రూ. 500 అవుతుంది. వాళ్లు రెండున్నర రెట్లు ఎక్కువ తీసుకుంటున్నారు," అని రాసుకొచ్చాడు.
రేట్ల పెంపు లేకపోయినా.. తాను రూ. 800- రూ. 1000 చెల్లిస్తానని ఆ ట్వీట్కు బదులిచ్చాడు శ్రవన్ కుమార్.
"ఉబెర్ ఎక్స్ఎల్ ఛార్జీలతో పోల్చుకుంటే.. నాసిక్ శివారుల్లో 1బీహెచ్కే ఫ్లాట్ తీసుకోవచ్చు," అని మరో నెటిజన్ ట్వీట్ చేశాడు. 'నిలువుగా దోచుకుంటున్నారు,' అని మరో వ్యక్తి అన్నాడు. ‘ఉబెర్ రాక్స్.. కస్టమర్ షాక్స్’ అని ఇంకో వ్యక్తి రాసుకొచ్చాడు.
సంబంధిత కథనం
టాపిక్