Rajasthan rape case : ఇద్దరు మైనర్లను బంధించి అత్యాచారం! 20 రోజుల పాటు..

Rajasthan rape case : రాజస్థాన్​లో దారుణ ఘటన వెలుగులోకి వచ్చింది. ఇద్దరు మైనర్లను బంధీగా చేసిన కొందరు.. వారిపై అత్యాచారానికి ఒడిగట్టారు. నిందితుల్లో ఇద్దరు మైనర్లు కూడా ఉన్నట్టు తెలుస్తోంది.

మొదటి బాలిక కథ..

రాజస్థాన్​ రాజధాని జైపూర్​లో ఈ ఘటన జరిగింది. 17ఏళ్ల వయస్సు ఉన్న బాలిక.. గత ఆదివారం రాత్రి, ఇంట్లో వాళ్లతో గొడవపడింది. ఆ తర్వాత ఇంట్లో నుంచి వచ్చేసింది. సింధి క్యాంప్​ బస్​స్టాండ్​ వరకు వెళ్లింది. అక్కడే, మోను (19) అనే వ్యక్తిని కలసింది. మైనర్​ను మాటల్లోకి దింపిన మోను, ఆమెకు సాయం చేస్తానని నమ్మించాడు. అనంతరం ఆమెను హోటల్​కు తీసుకెళ్లి రేప్​ చేశాడు.

సోమవారం ఉదయం బాలిక.. హోటల్​ నుంచి ఎలాగో అలా తప్పించుకుంది. ఇంటికి వెళ్లి, తనకి జరిగినది వివరించింది. కుటుంబసభ్యులు పోలీసులకు ఫిర్యాదు చేశారు. ఘటనపై కేసు నమోదు చేసుకున్న పోలీసులకు.. బాధితురాలు మరో విషయం చెప్పింది. హోటల్​లో మరో బాలికను కూడా చూసినట్టు వివరించింది.

రెండో బాలిక కథ..

Rajasthan crime news : 14ఏళ్ల బాలిక తల్లిదండ్రులు విడాకులు తీసుకుని వేరువేరుగా ఉంటున్నారు. ఈ బాలిక తరచూ ఉత్తర్​ ప్రదేశ్​, హరియాణాలో ఉన్న తల్లిదండ్రుల వద్దకు వెళుతూ ఉండేది. కానీ వారు తనని పట్టించుకోవడం లేదని ఆమే కుమిలిపోయింది. తీవ్ర దుఖంలో ఉన్న సమయంలో ఆ బాలిక సొదరి, ఆమెకు ఒక సలహా ఇచ్చింది. "జైపూర్​లో నాకు తెలిసిన వ్యక్తి ఉన్నాడు. అతని పేరు మోను. అతని దగ్గరికి వెళ్లు. చాలా నమ్మకస్తుడు. నీకు సాయం చేస్తాడు," అని చెప్పింది.

కొత్త జీవితంపై ఆశలతో గత నెలలో జైపూర్​కు వెళ్లిన మైనర్​, మోనును కలిసింది. ఆ తర్వాత ఆమె జీవితం మలుపు తిరిగింది! బాలికను హోటల్​కు తీసుకెళ్లిన మోను, ఆమెను రేప్​ చేశాడు. 20 రోజుల పాటు బంధీగా ఉంచాడు. ఆ సమయంలో మరో ఇద్దరు మైనర్లు కూడా ఆమెను రేప్​ చేశారు.

సరిగ్గా ఇదే సమయంలో మొదటి బాలిక హోటల్​కు వెళ్లింది. ఆమెపై రేప్​ జరిగింది. అదే సమయంలో రెండో బాలికను చూసింది.

చివరికి..

Minors raped in Rajasthan : ఘటనపై కేసు నమోదు చేసుకున్న పోలీసులు.. జలాపుర ప్రాంతంలోని హోటల్​లో మోనును అరెస్ట్​ చేశారు. హోటల్​ నుంచి రెండో బాలికను రక్షించారు. ఆమెను కేర్​ హోంకు తరలించారు. గురువారం నాటికి ఇద్దరు మైనర్లను కూడా అరెస్ట్​ చేశారు.

కాగా.. బాలికలను రేప్​ చేసే ముందు, వారి నుంచి మోను డబ్బులు కూడా దోచుకున్నట్టు తెలుస్తోంది. ఘటనపై దర్యాప్తు చేపట్టి, నిందితులను కఠినంగా శిక్షిస్తామని పోలీసులు వెల్లడించారు.