Twitter hacked : ట్విట్టర్​కు హ్యాకింగ్​ దెబ్బ.. 20కోట్ల ఆకౌంట్స్​పై ప్రభావం!

Twitter hacked : ట్విట్టర్​పై 'హ్యాకింగ్​' పిడుగు పడింది. 20కోట్లకు (200 మిలియన్​) పైగా ట్విట్టర్​ ఖాతాలు హ్యాకింగ్​కు గురైనట్టు తెలుస్తోంది. హ్యాకర్స్​.. సంబంధిత యూజర్ల ఈమెయిల్​ ఐడీలను దొంగిలించి.. ఆన్​లైన్​ హ్యాకింగ్​ ఫోరంలో అందుబాటులో ఉంచినట్టు ఓ సెక్యూరిటీ రీసెర్చర్​ వెల్లడించారు.

ఈమెయిల్​ అడ్రస్​లు.. ఫోన్​ నెంబర్​లు..!

ఈ పరిణామాలతో టార్గెటెడ్​ ఫిషింగ్​, డాక్సింగ్​ వంటివి జరుగుతాయని.. ఇజ్రాయెల్​ సైబర్​సెక్యూరిటీృ మానిటరింగ్​ సంస్థ హుడ్సన్​ రాక్​ సహ వ్యవస్థాపకుడు ఆలోన్​ గాల్​ అభిప్రాయపడ్డారు. తాను చూసిన అతిపెద్ద 'డేటా లీక్స్​'లో ఈ తాజా ఘటన ఒకటి అని వివరించారు.

Twitter accounts hacked : ట్విట్టర్​ హ్యాకింగ్​ విషయాన్ని తొలిసారిగా గతేడాది డిసెంబర్​ 24న పోస్ట్​ చేశారు ఆలోన్​ గాల్​. ఈ వ్యవహారంపై ట్విట్టర్​ ఇంకా స్పందించలేదు. సామాజిక మాధ్యమాల్లో వస్తున్న వార్తలు నిజమేనా? ఒకవేళ నిజమే అయితే.. ఈ వ్యవహారంపై ఎలాంటి దర్యాప్తు చేపట్టారు? భవిష్యత్తులో ఇలాంటి ఘటనలు జరగకుండా ఉండేందుకు ఎలాంటి చర్యలు తీసుకుంటున్నారు? వంటి మీడియా ప్రశ్నలకు ట్విట్టర్​ ఇంకా జవాబు చెప్పలేదు.

డేటా బ్రీచ్​కు కారణమైన హ్యాకర్స్​, వారి లోకేషన్స్​కు సంబంధించి ఎలాంటి ఆనవాళ్లు కూడా లేవు. అయితే.. ఈ డేటా బ్రీచ్​ అనేది 2021 తొలినాళ్లల్లో జరిగి ఉంటుందని తెలుస్తోంది. అపర కుబేరుడు ఎలాన్​ మస్క్​.. ట్విట్టర్​ను సొంతం చేసుకునే కొన్నేళ్ల ముందే ఈ ఘటన జరిగింది!

Elon Musk Twitter latest news : తొలుత.. 40కోట్లకుపైగా ట్విట్టర్​ యూజర్ల ఆకౌంట్ల హ్యాకింగ్​ గురయ్యాయని వార్తలు వచ్చాయి. ఆ తర్వాత ఆ సంఖ్య 20కోట్లకు తగ్గింది. ఈ యూజర్స్​ అకౌంట్స్​ నుంచి ఈమెయిల్​ అడ్రస్​లు, ఫోన్​ నెంబర్​లు దొంగలించినట్టు తెలుస్తోంది.

Twitter latest news : ఈ వార్త సామాజిక మాధ్యమాల్లో పెను సంచనలనంగా మారింది. 20కోట్లకుపైగా యూజర్స్​ ఈమెయిల్​ ఐడీ హ్యాకింగ్​కు గురవ్వడం పెద్ద విషయమే అని నిపుణులు అభిప్రాయపడుతున్నారు. ఇప్పటికే.. అష్టకష్టాలు పడుతున్న ట్విట్టర్​.. ఈ వ్యవహారంపై ఎలా స్పందిస్తుందో చూడాలి.

ఈ టెక్​ యుగంలో ‘డేటా’ అనేది అత్యంత కీలకమైన విషయంగా మారింది. డేటా మన వద్ద ఉంటే.. బిలియన్​ డాలర్లు సంపాదించుకునే మార్గాలు ఎన్నో ఉన్నాయి. అయితే.. హ్యాకర్స్​ వీటిని అక్రమంగా దొంగలించి.. ఇతరులకు అమ్ముకుంటుండటం.. యూజర్ల వ్యక్తిగత గోప్యతకు భంగం కలిగిస్తోంది. ఈ వ్యవహారంపై సర్వత్రా ఆందోళనలు వ్యక్తమవుతున్నాయి. దాదాపు అన్ని సామాజిక మాధ్యమాలు హ్యాకింగ్​పై పోరాటం చేస్తున్నాయి. అయినప్పటికీ.. ఇలాంటి ఘటనలు జరుగుతూనే ఉంటున్నాయి.