ఒకేసారి 20 అడుగుల ఎత్తు పెరిగిన ఈఫిల్​ టవర్​.. ఎలా సాధ్యం?

Eiffel Tower height | ఏడు ప్రపంచ వింతల్లో ఒకటైన ఈఫిల్​ టవర్​ ఎత్తు మంగళవారం అమాతం దాదాపు 20 అడుగులు(ఆరు మీటర్లు) పెరిగిపోయింది. కొత్తగా దానిపైన కమ్యూనికేషన్​ యాంటీనా ఏర్పాటు చేయడమే ఇందుకు కారణం.

ఫ్రాన్స్​ రాజధాని పారిస్​లో.. హెలికాఫ్టర్​ సాయంతో డిజిటల్​ యాంటీనాను ఈఫిల్​ టవర్​పైన అమర్చారు ఇద్దరు ఇంజినీర్లు. ఫలితంగా ఈఫిల్​ టవర్​ ఎత్తు 1,063 అడుగులకు పెరిగింది. ఈ ప్రక్రియను పర్యాటకులు ఎంతో ఆసక్తిగా తిలకించారు.

కాగా 1889 మార్చ్​ 31న ఈఫిల్​ టవర్​ను ఆవిష్కరించగా.. దాని ఎత్తు 1,024అడుగులు ఉండేది.

రేడీయోకు దన్నుగా..

రేడియో సాంకేతికత వెలుగులోకి వచ్చిన తొలినాళ్ల నుంచి, అభివృద్ధి చెందుతూ.. కొత్త రూపాలు పుట్టుకొస్తున్న సమయం వరకు ఈఫిల్​ టవర్​ భాగస్వామిగా ఉంది.

తొలుత మిలిటరీకి రేడియో సేవల కోసం ఈఫిల్​ టవర్​ను వినియోగించే వారు. 1910లో టెలిగ్రామ్​ సేవల కోసం ఉపయోగించారు. మొదటి ప్రపంచ యుద్ధంలో ఈఫిల్​ టవర్​ చాలా సేవలు చేసింది.

2000లో డిజిటల్​ టెలివిజన్​ కోసం చివరిగా యాంటీనాను అమర్చారు. ఇక తాజాగా.. హెలికాఫ్టర్​ సాయంతో ఏర్పాటు చేసిన ఏర్పాటు చేసిన యాంటీనాను డిజిటల్​ రేడియో కోసం ఉపయోగించనున్నారు.