రామకృష్ణ మిషన్ అధ్యక్షుడు స్వామి స్మరణానంద మహరాజ్ కన్నుమూత-swami smaranananda maharaj president of ramakrishna mission dies pm reacts ,జాతీయ - అంతర్జాతీయ న్యూస్
తెలుగు న్యూస్  /  National International  /  Swami Smaranananda Maharaj President Of Ramakrishna Mission Dies Pm Reacts

రామకృష్ణ మిషన్ అధ్యక్షుడు స్వామి స్మరణానంద మహరాజ్ కన్నుమూత

HT Telugu Desk HT Telugu
Mar 27, 2024 07:01 AM IST

స్వామి స్మరణానంద మహరాజ్ కన్నుమూశారు. ఆయన 2017‌లో రామకృష్ణ మఠం మరియు రామకృష్ణ మిషన్ యొక్క 16 వ అధ్యక్షుడిగా నియమితులయ్యారు.

స్వామి స్మరణానంద మహరాజ్‌తో ప్రధాన మంత్రి నరేంద్ర మోదీ (ఫైల్)
స్వామి స్మరణానంద మహరాజ్‌తో ప్రధాన మంత్రి నరేంద్ర మోదీ (ఫైల్) (PTI file)

రామకృష్ణ మఠం, రామకృష్ణ మిషన్ అధ్యక్షుడు స్వామి స్మరణానంద మహరాజ్ కన్నుమూశారు. 95 ఏళ్ల వయస్సులో వృద్ధాప్య సంబంధిత వ్యాధులతో బాధపడుతున్నారని మిషన్ ఒక ప్రకటనలో తెలిపింది. 2017లో స్వామి స్మరణానంద మహరాజ్ 16వ అధ్యక్షుడిగా నియమితులయ్యారు.

ట్రెండింగ్ వార్తలు

మంగళవారం బేలూరు మఠంలో అంత్యక్రియలు నిర్వహించనున్నారు. మిషన్ నిర్వహిస్తున్న దక్షిణ కోల్ కతా ఆసుపత్రిలో ఆయనను చేర్చారు. ఈ ఏడాది మార్చి 5న రెండోసారి బెంగాల్లో పర్యటించిన ప్రధాని నరేంద్ర మోదీ ఆస్పత్రికి వెళ్లి ఆయన ఆరోగ్యంపై ఆరా తీశారు.

ఆయన మరణానంతరం ప్రధాని ఎక్స్ లో ఒక సందేశంలో తన సంతాపాన్ని తెలియజేశారు. 'రామకృష్ణ మఠం, రామకృష్ణ మిషన్ గౌరవనీయ అధ్యక్షుడు శ్రీమత్ స్వామి స్మరణానంద జీ మహరాజ్ తన జీవితాన్ని ఆధ్యాత్మికతకు, సేవకు అంకితం చేశారు. లెక్కలేనన్ని హృదయాలు, మనసులపై చెరగని ముద్ర వేశారు. ఆయన కరుణ, వివేకం తరతరాలకు స్ఫూర్తిదాయకంగా నిలుస్తాయి. కొన్నేళ్లుగా ఆయనతో నాకు మంచి అనుబంధం ఉంది. 2020లో బేలూరు మఠానికి వెళ్లినప్పుడు ఆయనతో మాట్లాడాను. కొన్ని వారాల క్రితం కోల్ కతాలో కూడా ఆస్పత్రికి వెళ్లి ఆయన ఆరోగ్యం గురించి వాకబు చేశాను. బేలూరు మఠంలోని అసంఖ్యాక భక్తులతో నా ఆలోచనలు ఉన్నాయి. ఓం శాంతి' అని మోదీ ట్వీట్ చేశారు.

పశ్చిమ బెంగాల్ ముఖ్యమంత్రి మమతా బెనర్జీ కూడా సంతాపం తెలిపారు. 'రామకృష్ణ మఠం, రామకృష్ణ మిషన్ గౌరవనీయ అధ్యక్షుడు శ్రీమత్ స్వామి స్మరణానందజీ మహరాజ్ మరణవార్త నన్ను తీవ్రంగా కలచివేసింది. ఆయన ప్రపంచవ్యాప్తంగా ఉన్న కోట్లాది మంది భక్తులకు ఓదార్పు వనరుగా ఉన్నారు. ఆయన తోటి సన్యాసులు, అనుచరులు, భక్తులందరికీ నా ప్రగాఢ సంతాపాన్ని తెలియజేస్తున్నాను..’ అని పేర్కొన్నారు.

శ్రీమత్ స్వామి స్మరణానంద జీ మహరాజ్ మృతి తనను తీవ్రంగా కలచివేసిందని భారతీయ జనతా పార్టీ అధ్యక్షుడు జేపీ నడ్డా తన ప్రగాఢ సంతాపాన్ని వ్యక్తం చేశారు.

IPL_Entry_Point

టాపిక్