Stock Market | ఎల్​ఐసీ ఐపీఓ లిస్టింగ్​ వేళ.. లాభాల్లో స్టాక్​ మార్కెట్లు

Stock market today | దేశీయ సూచీలు.. మంగళవారం సెషన్​ను లాభాలతో ప్రారంభించాయి. ప్రస్తుతం అందరి చూపు ఎల్​ఐసీ ఐపీఓ లిస్టింగ్​పైనే ఉంది.

బీఎస్​ఈ సెన్సెక్స్​.. 307 పాయింట్లు వృద్ధి చెంది.. 53,280 వద్ద ట్రేడ్​ అవుతోంది. ఎన్​ఎస్​ఈ నిఫ్టీ.. 98 పాయింట్లు పెరిగి 15,940 వద్ద కొనసాగుతోంది.

సోమవారం సెషన్​ను 52,974 వద్ద ముగించిన సెన్సెక్స్​.. మంగళవారం నాడు 53,352 వద్ద ఓపెన్​ అయ్యింది. ఇక సోమవారం 15,842 వద్ద ముగిసిన నిఫ్టీ.. మంగళవారం సెషన్​ను 15,913 వద్ద ప్రారంభించింది.

లాభాలు.. నష్టాలు..

టాటా స్టీల్​, రిలయన్స్​, ఇండస్​ఇండ్​ బ్యాంకు, ఎం అండ్​ ఎం, హెచ్​సీఎల్​ టెక్​ షేర్లు లాభాల్లో 1శాతం మేర లాభపడ్డాయి.

సన్​ఫార్మా, ఇన్ఫీ, టీసీఎస్​, ఏషియన్​ పెయింట్స్​, టెక్​ఎం, పవర్​గ్రిడ్​ షేర్లు స్వల్ప నష్టాల్లో కొనసాగుతున్నాయి.

అంతర్జాతీయ మార్కెట్లు..

మాక్రో ఎకనామిక్​ డేటా బలహీనంగా ఉన్న కారణంగా అమెరికాలోని టెక్​ స్టాక్స్​లు నష్టాల్లో ట్రేడ్​ అయ్యాయి. ఫలితంగా అమెరికా స్టాక్​ మార్కెట్లు స్వల్ప నష్టాల్లో క్లోజ్​ అయ్యాయి.

జపాన్​తో పటు పలు ఆసియా దేశాల స్టాక్​ మార్కెట్లు లాభాల్లో కొనసాగుతున్నాయి.