Starbucks : స్టార్​బక్స్​కి బిగ్​ షాక్​- ఆ ఒక్క తప్పు ఖరీదు రూ. 434కోట్లు!

అమెరికా లాస్​ ఏంజెల్స్​లోని ఒక స్టార్​బక్స్​ ఔట్​లెట్​లో జరిగిన ఒక సంఘటన ఇప్పుడు కంపెనీకి పెద్ద తలనొప్పిగా మారింది! ఓ డెలివరీ డ్రైవర్​ మీద వేడి టీ పడటంతో అతను కేసు వేశాడు. అతనికి సానుకూలంగా తీర్పు వెలువడింది. ఫలితంగా, సదరు వ్యక్తికి స్టార్​బక్స్​ ఇప్పుడు 50 మిలియన్​ డాలర్లు కట్టాల్సిన పరిస్థితి ఏర్పడింది! అసలేం జరిగిందంటే..

ఒక్క తప్పు కారణంగా స్టార్​బాక్స్​కి ఇంత నష్టమా..!

2020 ఫిబ్రవరి 8న మైఖెల్​ గర్షియా అనే డెలివరీ డ్రైవర్​.. ఆర్డర్​ పిక్​ చేసుకునేందుకు లాస్​ ఏంజెల్స్​లోని స్టార్​బక్స్​ ఔట్​లెట్​కి వెళ్లాడు. ఆర్డర్​లో 3 డ్రింక్స్​ ఉన్నాయి. వాటిల్లో ఒక దానికి లిడ్​ సరిగ్గా పెట్టి లేదు.

మైఖేల్​ ఆర్డర్​ తీసుకుని తన తొడల దగ్గర పెట్టున్న వెంటనే మూత ఊడి వచ్చేసింది. ఆ వేడి వేడి టీ అతని మీద పడింది. ఫలితంగా మైఖెల్​కి థర్డ్​ డిగ్రీ గాయాలు అయ్యాయి. ఆ తర్వాత అతని మర్మాంగాల దగ్గర చికిత్స చేయించుకోవాల్సి వచ్చింది. చర్మాన్ని కూడా మార్చాల్సి వచ్చింది.

ఈ నేపథ్యంలో స్టార్​బక్స్​పై మైఖేల్​ కేసు వేశాడు. సిబ్బంది నిర్లక్షంతో తనకు చాలా నష్టం, కష్టం జరిగిందని వివరించాడు. ఈ ఘటన వల్ల తాను భౌతికంగా, మానసికంగా బాధపడినట్టు, జీవితాన్ని ఎంజాయ్​ చేయలేకపోయినట్టు, తనకు అసౌకర్యం కలిగినట్టు మైఖెల్​ చెప్పుకొచ్చాడు.

ఈ వ్యవహారంపై దర్యాప్తు చేపట్టిన లాస్​ ఏంజెల్స్​ కౌంటీ జ్యూరీ.. మైఖేల్​కి సానుకూలంగా తీర్పును ఇచ్చింది. సదరు డెలివరీ డ్రైవర్​కి 50 మిలియన్​ డాలర్లు చెల్లించాలని స్టార్​బక్స్​కి ఆదేశించింది.

50 మిలియన్​ డాలర్లు అంటే సుమారు రూ. 434 కోట్లు.

"కస్టమర్​ సేఫ్టీని పట్టించుకోకపోవడం, బాధ్యతాయుతంగా ఉండకపోవడాన్ని ఈ తీర్పు గుర్తుచేస్తుంది," అని మైఖెల్​ అటార్నీ ఒక స్టేట్​మెంట్​ విడుదల చేశారు.

స్టార్​బక్స్​ స్పందన ఇలా..

ఈ పూర్తి వ్యవహారంపై స్టార్​బక్స్​ స్పందించింది. జ్యూరీ నిర్ణయాన్ని తాము అంగీకరించడం లేదని పేర్కొంది.

"మైఖెల్​ జరిగింది సరైనది కాదు. కానీ మా తప్పు ఉంది, అందుకే ఇంత మొత్తంలో పరిహారం చెల్లించాలన్న జ్యూరీ నిర్ణయాన్ని మేము అంగీకరించలేము. మా స్టోర్స్​లో ప్రమాణాలు అత్యుత్తమంగా ఉండేందుకు నిత్యం కృషిచేస్తాము," అని కంపెనీ ప్రతినిథి వెల్లడించారు.

మరి ఈ పూర్తి వ్యవహారంపై ఈ స్పందన ఏంటి?