SSC Constable GD Admit Card: ఎస్ఎస్సీ కానిస్టేబుల్ జీడీ రీ ఎగ్జామ్ కోసం అడ్మిట్ కార్డ్స్ విడుదల
SSC Constable GD Admit Card: ఎస్ఎస్సీ కానిస్టేబుల్ జీడీ 2024 రీ ఎగ్జామ్ కోసం అడ్మిట్ కార్డ్స్ విడుదల అయ్యాయి. ఈ కింది స్టెప్స్ ఫాలో కావడం ద్వారా అభ్యర్థులు తమ అడ్మిట్ కార్డ్ ను డౌన్ లోడ్ చేసుకోవచ్చు.
స్టాఫ్ సెలక్షన్ కమిషన్ (SSC) కానిస్టేబుల్ జీడీ 2024 (Constable GD 2024) రీ ఎగ్జామ్ కోసం అడ్మిట్ కార్డులను విడుదల చేసింది. సెంట్రల్ ఆర్మ్డ్ పోలీస్ ఫోర్సెస్ (CAPFS), ఎస్ఎస్ఎఫ్, అస్సాం రైఫిల్స్ ఎగ్జామినేషన్, 2024లో కానిస్టేబుల్ (జీడీ) కంప్యూటర్ బేస్డ్ ఎగ్జామ్ కు హాజరయ్యే అభ్యర్థులు అడ్మిట్ కార్డును ప్రాంతీయ ఎస్ఎస్సీ ల అధికారిక వెబ్సైట్ల ద్వారా డౌన్లోడ్ చేసుకోవచ్చు.
వారు మాత్రమే అర్హులు
అధికారిక నోటీసు ప్రకారం, కమిషన్ అనుబంధంలో పేర్కొన్న తేదీలు / వేదికలు / షిఫ్ట్ లలో పరీక్ష (SSC Constable GD re-exam) కు హాజరైన అభ్యర్థులకు 2024 మార్చి 30 న తిరిగి పరీక్ష నిర్వహిస్తుంది. గతంలో కంప్యూటర్ బేస్డ్ పరీక్షకు హాజరైన అభ్యర్థులను మాత్రమే తిరిగి పరీక్షకు అనుమతిస్తారు.
ఇలా డౌన్ లోడ్ చేసుకోండి
- అభ్యర్థులు తమ ప్రాంతీయ వెబ్సైట్ల నుంచి అడ్మిట్ కార్డ్స్ ను డౌన్లోడ్ చేసుకోవడానికి ఈ క్రింది దశలను అనుసరించవచ్చు.
- ముందుగా తమ ఎస్ ఎస్ సి ప్రాంతీయ వెబ్ సైట్ ను సందర్శించండి.
- హోమ్ పేజీలో అందుబాటులో ఉన్న ఎస్ఎస్సీ కానిస్టేబుల్ జీడీ అడ్మిట్ కార్డు 2024 లింక్ పై క్లిక్ చేయండి.
- లాగిన్ వివరాలు ఎంటర్ చేసి సబ్మిట్ పై క్లిక్ చేయాలి.
- మీ అడ్మిట్ కార్డు స్క్రీన్ పై కనిపిస్తుంది.
- అడ్మిట్ కార్డు చెక్ చేసుకుని పేజీని డౌన్లోడ్ చేసుకోవాలి.
- తదుపరి అవసరాల కోసం దాని హార్డ్ కాపీని భద్రపర్చుకోండి.
కంప్యూటర్ ఆధారిత పరీక్షలో అర్హత సాధించిన అభ్యర్థులు ఫిజికల్ స్టాండర్డ్ టెస్ట్ (PST), ఫిజికల్ ఎఫిషియెన్సీ టెస్ట్ (PET), మెడికల్ ఎగ్జామినేషన్, డాక్యుమెంట్ వెరిఫికేషన్ రౌండ్లకు హాజరుకావచ్చు. ఎస్ఎస్సీ జీడీ 2024 ద్వారా వివిధ ఆర్గనైజేషన్లలో మొత్తం 26,146 ఖాళీలను భర్తీ చేయనుంది. మరిన్ని వివరాలకు అభ్యర్థులు ఎస్ఎస్సీ అధికారిక వెబ్సైట్ను చూడవచ్చు.