SSC CGL Answer Key : ఎస్​ఎస్సీ సీజీఎల్​ టైర్​ 1 ఆన్సర్​ కీ విడుదల- ఇలా చెక్​ చేసుకోండి..

స్టాఫ్ సెలక్షన్ కమిషన్ టైర్ 1 పరీక్ష కోసం ఎస్​ఎస్సీ సీజీఎల్ ఆన్సర్ కీ 2024ని తాజాగా విడుదల చేసింది. పరీక్షకు హాజరైన అభ్యర్థులు ssc.gov.in ఎస్ఎస్సీ అధికారిక వెబ్సైట్​లో ప్రొవిజనల్ ఆన్సర్ కీని చెక్​ చూసుకోవచ్చు.

ఎస్ఎస్సీ సీజీఎల్ ఆన్సర్ కీ 2024ని చెక్ చేయడానికి డైరెక్ట్ లింక్ కోసం ఇక్కడ క్లిక్​ చేయండి.

"తాత్కాలిక ఆన్సర్ కీలతో పాటు అభ్యర్థి రెస్పాన్స్​ షీట్లు ఇప్పుడు అందుబాటులో ఉన్నాయి. వీటిని కమిషన్ వెబ్సైట్ ( https://ssc.gov.in/) ద్వారా యాక్సెస్ చేసుకోవచ్చు. అభ్యర్థులు తమ రిజిస్ట్రేషన్ నెంబర్, పాస్​వర్డ్​ ఉపయోగించి నిర్దేశిత వ్యవధిలో లాగిన్ కావచ్చు. రెస్పాన్స్ షీట్/ఆన్సర్ కీ ఛాలెంజ్ యాక్సెస్ చేసుకోవడానికి సూచనల వివరాలు అందులో ఉంటాయి," అని అధికారిక నోటిఫికేషన్​లో ఉంది.

ఇదీ చూడండి:- Education decisions : ఇండియాలోనే చదువుకోవాలా? విదేశాలకు వెళ్లాలా? ఇవి తెలుసుకుని నిర్ణయం తీసుకోండి..

టైర్ 1 కోసం ఎస్ఎస్సీ సీజీఎల్ ఆన్సర్ కీ 2024ని ఇలా చెక్​ చేసుకోండి..

• ssc.gov.in వద్ద ఎస్ఎస్సీ అధికారిక వెబ్సైట్​ని సందర్శించండి.
• హోమ్ పేజీలో అందుబాటులో ఉన్న ఎస్ఎస్సీ సీజీఎల్ ఆన్సర్ కీ 2024 లింక్​పై క్లిక్ చేయండి.
• అభ్యర్థులు లాగిన్ వివరాలను నమోదు చేయాల్సిన కొత్త పేజీ ఓపెన్ అవుతుంది.
• సబ్మిట్​పై క్లిక్ చేస్తే ఆన్సర్ కీ కనిపిస్తుంది.
• ఆన్సర్ కీని చెక్ చేసి పేజీని డౌన్​లోడ్ చేసుకోవాలి.
• తదుపరి అవసరాల కోసం దాని హార్డ్ కాపీని ఉంచండి.

ఎవరైనా అభ్యంతరాలు వ్యక్తం చేయాలనుకుంటే 2024 అక్టోబర్ 3వ తేదీ సాయంత్రం 6 గంటల నుంచి 2024 అక్టోబర్ 6వ తేదీ సాయంత్రం 6 గంటల వరకు ప్రతి ప్రశ్న/సమాధానానికి రూ.100 చెల్లించి ఆన్​లైన్​లో వినతిపత్రాలు సమర్పించవచ్చని నోటీసులో పేర్కొన్నారు. అక్టోబర్ 6, 2024 సాయంత్రం 6.00 గంటల తర్వాత వచ్చిన విజ్ఞప్తులను స్వీకరించరని అభ్యర్థులు గుర్తుపెట్టుకోవాలి.

సీహెచ్ఎస్ఎల్ టైర్ 2 పరీక్ష తేదీ..

ఎస్ఎస్సీ సిహెచ్ఎస్ఎల్ టైర్ 2 పరీక్ష 2024 తేదీని స్టాఫ్ సెలక్షన్ కమిషన్ విడుదల చేసింది. కంబైన్డ్ హయ్యర్ సెకండరీ (10+2) లెవల్ ఎగ్జామినేషన్, 2024 (టైర్-2) కు హాజరయ్యే అభ్యర్థులు ఎస్ఎస్సీ అధికారిక వెబ్సైట్ ssc.gov.in లో దీనికి సంబంధించిన అధికారిక నోటిఫికేషన్​ను చూడవచ్చు. పూర్తి వివరాల కోసం ఇక్కడ క్లిక్​ చేయండి.