Sarabjit Singh wife death : పాక్ జైలులో మరణించిన సరబ్జిత్ సింగ్ సతీమణి దుర్మరణం
Sarabjit Singh wife death : అమృత్సర్లో జరిగిన రోడ్డు ప్రమాదంలో సుఖ్ప్రీత్ కౌర్ మరణించారు. ఆమె.. పాకిస్థాన్ జైలులో మరణించిన సరబ్జిత్ సింగ్ భార్య.
Sarabjit Singh wife death : పాకిస్థాన్ జైలులో మరణించిన సరబ్జిత్ సింగ్ సతీమణి సుఖ్ప్రీత్ కౌర్.. సోమవారం తుదిశ్వాస విడిచారు. బైక్ వెనక కూర్చుని వెళుతున్న ఆమె ఒక్కసారిగా కింద పడిపోవడంతో తీవ్రంగా గాయపడ్డారు. వెంటనే ఆమెను ఆసుపత్రికి తరలించి చికిత్స అందించారు. కానీ ఫలితం దక్కలేదు. ఆసుపత్రిలో ఆమె కన్నుమూశారు.
ట్రెండింగ్ వార్తలు
అమృత్సర్లోని ఫతేహ్పూర్ ప్రాంతంలో ఈ ఘటన జరిగిందని పోలీసులు వెల్లడించారు. కాగా.. సుఖ్ప్రీత్ కౌర్ అంత్యక్రియలు మంగళవారం ఆమె స్వస్థలం భిఖివిండ్ ప్రాంతంలో జరగనున్నట్టు కుటుంబ సభ్యులు వెల్లడించారు.
Sukhpreet Kaur : సరబ్జిత్ సింగ్- సుఖ్ప్రీత్ కౌర్కు పూనం, స్వపన్దీప్ కౌర్ అనే ఇద్దరు ఆడబిడ్డలు ఉన్నారు.
సరబ్జిత్ సింగ్ను పాకిస్థాన్ జైలు నుంచి బయటకు తీసుకొచ్చేందుకు తీవ్రంగా కృషి చేసిన ఆయన సోదరి దల్బీర్ కౌర్.. గుండె పోటు కారణంగా ఈ ఏడాది జూన్లో మరణించారు.
పాకిస్థాన్ జైలులో..
పాకిస్థాన్లో ఉగ్రవాదానికి, గూఢచర్యానికి పాల్పడుతున్నట్టు ఆరోపిస్తూ.. 1991లో అక్కడి కోర్టు సరబ్జిత్ సింగ్కు ఉరిశిక్ష విధించింది. 2008లో ఆ ఉరిశిక్షను నిరవధికంగా వాయిదా వేసింది.
Sarabjit Singh Pakistan jail : కాగా.. 2013లో తోటి ఖైదీలు చేసిన దాడిలో 49ఏళ్ల సరబ్జిత్ సింగ్ ప్రాణాలు కోల్పోయారు.
సరబ్జిత్ సింగ్ మరణం అనంతరం ఆయన మృతదేహాన్ని లాహోర్ జైలు నుంచి అమృత్సర్కి తీసుకొచ్చారు. అక్కడే ఆయనకు అంతిమ సంస్కారాలు నిర్వహించారు.
సంబంధిత కథనం